हितोपदेश 12:12 - परमेश्‍वरए ताँ तमु क्युइर

¹² दुष्‍ट म्हिमैं ह्‍योमैंइ पखबै सैमैं लोब म्हाँदिम्, दिलेया ठिक के लबै म्हि बिस्याँ छ्याँबै के लसि प्रम्।

हितोपदेश 12:12 ပူးပေါင်းရင်းမြစ်များ

भजनमैं 1:3

च स्योंए रेर रुँइँबै सिंधुँ धोंन् तम्। चइ रो रोल् त्हुबै त्हेर रो पिंम्, धै चए प्हो खोंयोंइ आङ्योंलों। चइ तो के ललेया छ्याँब तम्।

भजनमैं 10:9

झ्याडिए न्होंर लोसि पैंरिबै सिंह धोंले, ल्होबै म्हि खाबै आरेब्मैं क्हाबर च क्होइ टिम्, ल्होबै म्हिमैं खाबै आरेब्मैंलाइ चइ ह्रोंसए जालर चैं बोम्।

भजनमैं 9:15

अरू ह्रेंमैं ह्रोंसइ ताबै होंल्दोंर खेंमैंन् पायाइमुँ, चमैंइ लोसि चुबै ङोइ चमैं ह्रोंसन् स्याइमुँ।

हितोपदेश 10:15

प्लबै म्हिए सै न्होर चए ल्हागिर भोंबै सहर ग; ङ्‍हाँदुमैं बिस्याँ दु:ख योंसि नास तयाम्।

हितोपदेश 11:30

ठिक के लबै म्हिइ छ्याँबै छ्ह थोब्मुँ, धै म्हिमैंलाइ छ्याँबै घ्याँर डोरेल् खाँबै म्हि बुद्धि मुँब् ग।

हितोपदेश 21:10

दुष्‍ट म्हिइ आछ्याँबै के मत्‍त्रे लल् म्हैम्; धै छाबै म्हिइ ह्रोंसए ङ्‍हेब्-ट्हुम्‍मैंलाइ आल्हो।

यूहन्‍ना 15:16

क्‍हेमैंइ ङलाइ त्‍हाँब आङिं, ङइ क्हेमैं त्हाँब् ग। क्हेमैं ह्‍यासि रामैं रोरिगे धै क्हेमैंए रामैं खोंयोंन् बिलै तरिगे बिसि ङइ क्हेमैं हुइ। छलमा क्हेमैंइ ङए मिंर आबाने तो सै ह्रिलेया खीजी क्हेमैंलाइ पिंब्मुँ।

यूहन्‍ना 15:5

“अँगुरए धुँ ङन् ग, क्‍हेमैं हाँगमैं ग। खाबै ङने टिइ बिस्याँ, धै ङ चने तइ बिस्याँ, चइ ल्हें रोमैं रोब्मुँ। तलेबिस्याँ ङ ङाँइँले स्यो तसि क्हेमैंइ तोइ लल् आखाँ।

रोमी 6:22

दिलेया तारे क्‍हेमैं पापउँइँले फ्रेसि परमेश्‍वरए के लबै म्हिमैं तइमुँ। छतसि तारे क्हेमैंने तल् त्हुबै रो छ्याब् आरेबै छ्ह ग। छले क्हेमैंइ खोंयोंइ आखाँबै छ्ह योंम्।