हितोपदेश 11:6 - परमेश्‍वरए ताँ तमु क्युइर

⁶ सोजो म्हिमैंइ लबै ठिक केइन चमैंए दुःखउँइँले फ्रेमिंम्, दिलेया भर लल् आखाँब्मैं बिस्याँ ह्रोंसइ लबै आछ्याँबै केइन ङोर फेम्।

हितोपदेश 11:6 ပူးပေါင်းရင်းမြစ်များ

उत्पत्ति 30:33

छलमा ङ भर लल् खाँब मुँ उ आरे बिसि क्हिइ लिउँइँ क्ह्रोंसेंन था सेब्मुँ। ङए रमैं न्होंर थोप्ले पेटारे नेरो क्यु म्होदोमैं न्होंर म्‍लोंग्या आङिंब्मैं क्हिइ स्यास्याँ क्हिए उँइँर ङ ह्‍यो ठर्दिब्मुँ।”

उत्पत्ति 31:37

ङए ताँन् सैमैं क्हिइ ङ्‍ह्‍योल् खाँइ। क्हिए धिंर्बै सैमैं तो योंइ खोइ? क्हि नेरो ङए ङे-ट्हुब्मैंए ओंसों चु ताँ थेंन्। चमैंइन ङ्योए न्होंर निसाफ लमिंरिगे।

भजनमैं 9:15

अरू ह्रेंमैं ह्रोंसइ ताबै होंल्दोंर खेंमैंन् पायाइमुँ, चमैंइ लोसि चुबै ङोइ चमैं ह्रोंसन् स्याइमुँ।

हितोपदेश 11:9

परमेश्‍वर आम्हाँदिबै म्हिए सुँइ पोंबै ताँइ ह्रोंसए ङ्‍हेब-ट्हुब्मैंए सैं नल् लम्, दिलेया ज्ञान बिद्धिए ताँ पोंबइले ठिक के लब्मैं दु:खउँइँले फ्रेल् योंब्मुँ।

हितोपदेश 5:22

ह्रोंसइ लबै आछ्याँबै केइन दुष्‍ट म्हि ङोर फेम्, धै ह्रोंसइ लबै आछ्याँबै केमैंन च पापर च्होवाम्।