हितोपदेश 11:5 - परमेश्‍वरए ताँ तमु क्युइर

⁵ भर लल् खाँबै म्हिइ लबै ठिक केइन च प्रबै घ्याँ छ्याँब लब्मुँ, दिलेया दुष्‍ट म्हिमैं बिस्याँ ह्रोंसइ लबै आछ्याँबै केइन क्युरु खारयाम्।

हितोपदेश 11:5 ပူးပေါင်းရင်းမြစ်များ

हितोपदेश 1:18

दिलेया चु म्हिमैं ह्रोंसए ज्यु ह्‍याबै घ्याँर्न प्र-प्रइमुँ; छतसि खेंमैंइ तिबै जालर्न चमैं च्होयाब्मुँ।

हितोपदेश 11:3

ठिक के लब्मैंइ भर लल् खाँबै के लम्, दिलेया भर लल् आखाँब्मैं ह्रोंसए आछ्याँबै केइन नास तम्।

हितोपदेश 12:3

आछ्याँबै के लबै म्हि जोगेल् आखाँ, दिलेया ठिक के लबै म्हिलाइ लाल् खाँरिब् आरे।

हितोपदेश 13:6

भर लल् खाँबै म्हिइ ठिक के लमुँ, छतसि चइ लबै ठिक केइन चलाइ जोगेम्, दिलेया दुष्‍ट म्हिमैं बिस्याँ चमैंइ लबै आछ्याँबै केइन पापर च्होयाम्।

हितोपदेश 14:32

दुष्‍ट म्हिमैंए लबै केइ ह्रोंसन् नास तयाम्, दिलेया ठिक के लब्मैं सिमै या आशा योंम्।

हितोपदेश 15:19

प्ल्हेगुए घ्याँ पुजुए बार मुँब् धों तम्, दिलेया सोजो म्हि प्रबै घ्याँ छ्याँबै मुल घ्याँ तम्।

हितोपदेश 21:29

आछ्याँबै के ललैया दुष्‍ट म्हिमैं आङ्हिंनले प्रम्, दिलेया सोजो म्हिइ च्हैंसि मैंसि लल् त्हुबै केमैं लम्।

हितोपदेश 28:18

छ्याँबै घ्याँर प्रबै म्हि जोगेब्मुँ, आछ्याँबै घ्याँर प्रबै म्हि तिख्खेर क्हुरियाब्मुँ।

हितोपदेश 3:6

ह्रोंसइ लल् म्हैबै केर खीलाइ मैंन्, धै खीजी क्हिलाइ छ्याँबै घ्याँर डोरेब्मुँ।

हितोपदेश 5:22

ह्रोंसइ लबै आछ्याँबै केइन दुष्‍ट म्हि ङोर फेम्, धै ह्रोंसइ लबै आछ्याँबै केमैंन च पापर च्होवाम्।