हितोपदेश 11:24 - परमेश्‍वरए ताँ तमु क्युइर

²⁴ सैं प्ल्हसि पिंबै म्हिइ मुइ झन ल्हें योंब्मुँ; दिलेया ह्रोंसने मुँन-मुँन् पिंल् आखाँबै म्हि झन् ङ्‍हाँदु तदै ह्‍याम्।

हितोपदेश 11:24 ပူးပေါင်းရင်းမြစ်များ

भजनमैं 112:9

आयोंब्-आख्युब्मैंलाइ चइ सैं प्ल्हसि पिंइमुँ; चइ लबै ठिक केमैं खोंयोंन् बिलै तरिम्; चलाइ ताँनइ मान लब्मुँ, धै चए क्र कैंडो तब्मुँ।

हितोपदेश 11:18

दुष्‍ट म्हिइ छलु म्हिलुए के लम्; दिलेया छलु म्हिलु आलल्‍ले ठिक के लबै म्हिइ खैलसे या इनाम योंम्।

हितोपदेश 11:23

ठिक के लबै म्हिइ थेंबै आशा तो मुँलेया छ्याँब तम्, दिलेया दुष्‍ट म्हिमैंइ आशा थेंबै सै आयोंमा ह्रिस खम्।

हितोपदेश 11:25

आगुए खाँचोर पिंल् खाँबै म्हिल बिब् धों तम्, धै अरूलाइ भों खबै ताँ बिमिंसि सैं क्होमिंबै म्हिए ल्हागिर ल्होबै म्हि योंम्।

हितोपदेश 13:7

कोइ म्हि ह्रोंसने तोइ आरेलैया प्लब् प्हैंम्; कोइ म्हि प्लब् मुँलेया तोइ आरेब् धोंले प्रम्,

हितोपदेश 19:17

आयो-आख्युब्मैंलाइ पिंब याहवेहलाइ खि पिंब् ग, धै खाबइ तो लइमुँ चए इनाम खीजी पिंब्मुँ।

हितोपदेश 28:27

ङ्हाँदुमैंलाइ पिंबै म्हिल तो सैरैया आयों-आख्युब तरिब् आरे, ङ्हाँदुमैंलाइ आपिंबै म्हिए फिर सराप खब्मुँ।

हितोपदेश 28:8

ब्याज ल्हें किंसि ह्रोंसए सै न्होर ल्हें लबै म्हिइ ङ्हाँदुमैंए फिर ल्हयो खबै म्हिए ल्हागिर सै न्होर खुम्!

लूका 6:38

ह्रोंसने मुँबै सैमैं अरूलाज्यै या पिंन् छलस्याँ खाँदि-खाँदिसि, म्‍युरुरुले ङेयाल्‍ले परमेश्‍वरजी झन् ल्हें सैमैं क्हेमैंलाइ पिंब्‍मुँ। क्‍हेमैंइ खैले क्‍होंएँसि पिमुँ, छलेन परमेश्‍वरजी क्‍हेमैंलाज्यै या क्हों‍एँसि पिंब्‍मुँ।”