हितोपदेश 11:20 - परमेश्‍वरए ताँ तमु क्युइर

²⁰ आछ्याँबै सैं मुँबै म्हिलाइ याहवेहजी आखो, दिलेया ठिक के लप्रबै म्हि म्रोंसि खी सैं तोंम्।

हितोपदेश 11:20 ပူးပေါင်းရင်းမြစ်များ

भजनमैं 101:4

आछ्याँबै सैं प्ह्‍याब्मैंने ङ ह्रेंगोन् टिब्मुँ; दुष्‍ट केमैं ङ खोंयोंइ लरिब् आरे।

भजनमैं 11:7

तलेबिस्याँ याहवेहजी ठिक निसाफ लम्, ठिक केमैं खीजी खोम्; सोजो म्हिमैंइ खीए लि म्रोंब्मुँ।

भजनमैं 119:1

छ्याब् आरेब्मैंइ आशिक योंम्; चमैं याहवेहए ठिमर बिब् धोंले प्रम्।

भजनमैं 140:13

क्ह्रोंसेन ठिक के लब्मैंइ क्हिए मिंलाइ थेब लब्मुँ, झाइले सोजो म्हिमैं क्हिए उँइँर टिब्मुँ।

भजनमैं 51:6

क्ह्रोंसेंन क्हिजी ङए खों छ्याँब् तरिगे ङ्हाँम्, छतसि क्हिजी ङए सैंर ज्ञान-बुद्धिए ताँमैं झोंमिंम्।

हितोपदेश 11:21

दुष्‍ट म्हिमैं दण्ड आयोंन् समा स्योरल् योंरिब् आरे, दिलेया ठिक के लब्मैं जोगेल् योंब्मुँ बिबै ताँ क्ह्रोंसेंन ग।

हितोपदेश 12:22

स्योलिबै ताँ पोंबै म्हिलाइ याहवेहजी आखो, दिलेया छलु म्हिलु आलल्‍ले के लबै म्हिने खी सैं तोंम्।

हितोपदेश 13:6

भर लल् खाँबै म्हिइ ठिक के लमुँ, छतसि चइ लबै ठिक केइन चलाइ जोगेम्, दिलेया दुष्‍ट म्हिमैं बिस्याँ चमैंइ लबै आछ्याँबै केइन पापर च्होयाम्।

हितोपदेश 14:9

आछ्याँबै के कतिन् ललेया आमादुमैंइ तो धोंइ आङ्हाँ, दिलेया ठिक के लबै म्हिलाइ ताँनइ म्हाँदिम्।

हितोपदेश 15:26

दुष्‍ट म्हिमैंइ मैंबै आछ्याँबै ताँमैं याहवेहजी आखो, दिलेया ठिक के लबै म्हिमैंइ मैंबै ताँमैंर खी सैं तोंम्।

हितोपदेश 15:8

दुष्‍ट म्हिइ पिंबै ख्रो याहवेहजी आखो, दिलेया सोजो म्हिइ लबै प्राथना थेसि खी सैं तोंम्।

हितोपदेश 16:17

सोजो म्हिइ आछ्याँबै केमैं आल; आछ्याँबै के आलब्मैंइ छेनाले छ्ह थोल् खाँम्।

हितोपदेश 21:29

आछ्याँबै के ललैया दुष्‍ट म्हिमैं आङ्हिंनले प्रम्, दिलेया सोजो म्हिइ च्हैंसि मैंसि लल् त्हुबै केमैं लम्।

हितोपदेश 3:32

तलेबिस्याँ आछ्याँबै के लप्रब्मैं याहवेहजी आखो, दिलेया सोजो म्हिमैं बिस्याँ खीजी भर लम्।

हितोपदेश 6:14

चए सैंइ आछ्याँबै ताँमैं मत्त्रे मैंम्, धै चइ खोंयोंन् बिलै आक्ह्रिबै ताँबै रेम्।

हितोपदेश 8:13

याहवेहलाइ म्हाँदिब आछ्याँबै के-ति पिब् ग। थेब् प्हैंब, शेखि लब, आछ्याँब् मैंब नेरो स्योलिबै ताँ पोंब्मैंलाइ ङइ आखो।

हितोपदेश 9:7

खैच्हिजिले पोंबै म्हिलाइ लोदा सैंदा लमा उल्टोन् फापेल् लमुँ, दुष्‍ट म्हिलाइ हौदिमा ह्रोंसलन् न्होह्रों तम्।