हितोपदेश 11:16 - परमेश्‍वरए ताँ तमु क्युइर

¹⁶ आगुए फिर ल्हयो खबै च्हमिरिलाइ ताँनइ मान लम्, दिलेया ल्हयो आखबै म्हिइ सै न्होर मत्त्रे खुम्।

हितोपदेश 11:16 ပူးပေါင်းရင်းမြစ်များ

एस्तर 9:25

हामानइ यहूदीमैं सैबै चाँजो लइमुँ बिबै ताँ एस्तरउँइँले म्रुँ सेसि “हामानइ यहूदीमैंलाइ खै लल् म्हैइमुँ चलाज्यै छन् लद्!” बिसि म्रुँइ प्ह्रिछ्या प्ह्रिबर ल्हैदिइ। छले ह्रोंसै लबै आछ्याँबै चाँजोइ लमा हामान नेरो चए च्हमैं त्होर च्योवाइ।

हितोपदेश 31:28

छतसि चए च्ह-च्हमिमैंइ आमाए छ्याँबै बयन लम्; चए प्युँज्यै या छ बिसि चए बयन लम्, धै चलाइ थेब लम्:

मत्ती 26:13

क्ह्रोंसेंन ङ क्हेमैंने बिमुँ, ह्‍युल तिगोंन् परमेश्‍वरए सैं तोंबै ताँ बिमिंबै क्ल्ह्‍योजरे चु च्हमिरिइ लबै छ्याँबै केए बयन चलाइ मैंबै ल्हागिर म्‍हिमैंइ लब्‍मुँ।”

लूका 10:42

दिलेया ताँ घ्रि मत्‍त्रे चैदिम्। काजी मरियमइ च छ्याँबै ताँ त्‍हाँइ। छतसि च ताँ चउँइँले ङइ प्हेंरिब् आरे।”

लूका 8:3

चमैं न्‍होंरि योअन्‍ना बिबै च्हमिरि घ्रि मुँल। च खुजास बिबै म्‍हिए प्ह्रेंस्यो मुँल। च खुजास हेरोद म्रुँए दरबारर चिबै के लमल। झाइले अर्को सुसन्‍ना बिबै च्हमिरि मुँल। चमैं नेरो अरू ल्‍हें च्हमिरिमैंज्‍यै या ह्रोंसए मुइ खर्ज लसि खीए सेवा लमल।

चेला चिब्मैंए केमैं 9:39

चु ताँ थेबै लिउँइँ पत्रुस चमैंने बालु ह्‍याइ। चर फेनेसि चमैंइ चलाइ आटि फिर्बै कोठार बोइ। चर्बै ताँन् म्हरेस्योमैं पत्रुसए ङाँर खइ, धै डोरकास खेंमैंने बालु मुँमा चइ टुइ थेंबै भोटो, चोला नेरो अरू क्वेंमैं पत्रुसने उँइँसि चमैं क्रोबर होंइ।

रोमी 16:6

छलेन क्‍हेमैंए ल्हागिर बेल्‍ले के लबै मरियमलाज्यै या जय मसीह मुँ।

२ यूहन्‍ना 1:1

ङ बिश्‍वासीमैं न्होंर्बै एल्डरउँइँले परमेश्‍वरजी त्‍हाँबै आना नेरो क्‍हिए कोलोमैंने जय मसीह मुँ। ङइ क्‍हेमैंलाइ सैं न्होंउँइँलेन् म्हाँया लमुँ। ङइ मत्‍त्रे आङिं, क्ह्रोंसेंन्‍बै ताँ था सेबै ताँन् बिश्‍वासीमैंज्यै या क्‍हेमैंलाइ म्हाँया लम्,