हितोपदेश 11:12 - परमेश्‍वरए ताँ तमु क्युइर

¹² ताँ आक्होल् आखाँबै म्हिइ ह्रोंसए ङ्‍हेब्मैंए बिल्‍लि लप्रम, दिलेया ताँ क्होबै म्हि ल्हें आपोंल्‍ले टिम्।

हितोपदेश 11:12 ပူးပေါင်းရင်းမြစ်များ

हितोपदेश 10:19

ताँ ल्हें पोंमा आछ्याँबै तल् खाँम्, दिलेया च्हैंसि मैंसि पोंबै म्हि बुद्धि मुँब् ग।

हितोपदेश 11:11

ठिक के लबै म्हिमैंइ आशिक पिंमा सहरर्बै म्हिमैंल बिब्धों तम्, दिलेया दुष्‍ट म्हिमैंए सुँइ पोंबै ताँइ लमा सहरर्बै म्हिमैं सग्या-प्हुग्याँ लवाम्।

हितोपदेश 11:13

ताँ प्ह्रेइरि प्रबै म्हिइ बिल् आतबै ताँ खैले बिलै बिवाम्, दिलेया भर लल् खाँबै म्हिइ बिल् आतबै ताँमैं खों न्होंर्न थेंम्।

हितोपदेश 14:21

ह्रोंसए ङ्‍हेब्-ट्हुब्मैंलाइ हेल लबै म्हिइ पाप लम्, दिलेया आयोंब्-आख्युब्मैंए खाँचो टार्दिमिंबै म्हिइ आशिक योंम्।

हितोपदेश 6:32

आगुए प्ह्रेंस्योने प्रबै म्हि आमादु ग; चइ ह्रोंसन् नास लवाम्!

लूका 16:14

येशूजी बिबै ताँ थेसि फरिसीमैंइ खीए बिल्‍लि लइ। तलेबिस्याँ चमैंए ल्हागिर मुइ थेबै सै मुँल।

लूका 18:9

ङ ठिक के लबै म्हि ग बिब् प्हैंसि अरूमैंलाइ तो धोंइ आङ्हाँबै को-कोइ म्हिमैंलाइ येशूजी चु अहान् बिइ,

१ पत्रुस 2:23

खीए फिर म्हिमैंइ तब आतब बिसि खीए आब्रु वासेया खीजी चमैंने खि आकिं। खीए फिर दुःख पिंब्मैंलाज्यै या खीजी धम्कि आपिं। बरु छेनाले निसाफ लबै परमेश्‍वरए फिर खीजी भर थेंइ।