हितोपदेश 10:9 - परमेश्‍वरए ताँ तमु क्युइर

⁹ भर लल् खाँबै म्हि खनिर ह्‍यालै ढुक्‍कले प्रम्, दिलेया छलु म्हिलु लबै म्हिलाइ बिस्याँ म्हिमैंइ स्याब्मुँ।

हितोपदेश 10:9 ပူးပေါင်းရင်းမြစ်များ

उत्पत्ति 17:1

अब्राम कुच्युसे कुदिं तमा याहवेह अब्राम ङाँर युसि चने बिइ, “तोन्दोंरि सै लल् खाँबै परमेश्‍वर ङ ग। छतसि छ्याँबै केमैं लसि ङए उँइँर प्रद्।

भजनमैं 23:4

मिछु खैबै खोल्सर प्रल् त्हुलेया ङ तो सैने या ङ्हिंरिब् आरे, तलेबिस्याँ क्हि ङने बालु मुँ; क्हिए तुँबै प्हरे नेरो ह्‍वाबै प्हरेइ ङए रक्षा लम्।

भजनमैं 25:21

ङइ स्योर आतेइमुँ, ङइ लबै छ्याँब आछ्याँबै केमैं ताँन् ङइ क्हिनेन् बिइमुँ। छतसि ङलाइ जोगेमिंन्, तलेबिस्याँ ङइ क्हिए फिर्न आशा थेंइमुँ।

भजनमैं 84:11

तलेबिस्याँ याहवेह परमेश्‍वर त्हिंयाँ नेरो ढाल ग; याहवेहजी दयाम्हाँया लमुँ धै मान इजेत पिंम्; ठिक घ्याँर प्रब्मैंलाइ खीजी ताँन् छ्याँबै सैमैं पिंब्मुँ।

हितोपदेश 17:20

आछ्याँबै सैं मुँबै म्हिल बिब् धों आत, स्योलिबै ताँ पोंबै म्हिए छ्हर छ्याँब् आत।

हितोपदेश 26:26

ह्रोंसइ लबै छलु म्हिलुए केमैं खाबज्यै आसेइमुँ ङ्‍हाँलैया चइ लबै छलु म्हिलुए केमैं ताँन् म्हिमैंइ सेब्मुँ।

हितोपदेश 28:1

खाबज्यै आल्हालैया दुष्‍ट म्हि न्हेयाम्, दिलेया ठिक के लबै म्हिमैं बिस्याँ सिंह धोंले आङ्हिंल्‍ले टिरिम्।

हितोपदेश 28:18

छ्याँबै घ्याँर प्रबै म्हि जोगेब्मुँ, आछ्याँबै घ्याँर प्रबै म्हि तिख्खेर क्हुरियाब्मुँ।

हितोपदेश 3:23

झाइले क्हि घ्याँर छेनाले प्रब्मुँ, धै क्हिए प्हले थुरारिब् आरे।

मत्ती 10:26

“छतसि म्‍हिमैंने आङ्हिंन्। तलेबिस्याँ तोगो तो सै लोथेंलेया लिउँइँ था सेब्‍मुँ। धै तोगो लोथेंबै ताँ लिउँइँ खन्तोदोंन् थेनेम्।

१ कोरिन्थी 4:5

छतसि ठिक त्हे आतन् समा खाबै फिरै या क्हेमैंइ छ्याब् आल्हैदिद्, ताँनए निसाफ प्रभुजीन् च त्हेर लम्। म्हिमैंइ आसेल्‍ले लबै आछ्याँबै केमैं या ताँनइ सेल् लमिंब्मुँ, छलेन म्‍हिमैंए सैं न्‍होंर्बै ताँमैं या उँइँमिंब्‍मुँ। धै म्हिमैंइ खैबै केमैं लइमुँ च अनुसार्बै इनाम परमेश्‍वरजी चमैंलाइ पिंब्‍मुँ।

१ तिमोथी 5:25

छलेन छ्याँबै केमैं या छर्लङ्गन् म्रोंम्, छर्लङ्गन् म्रोंल् आखाँबै सै तोइ मुँलेया च खोंयोंन् बिलै लोइ टिल् आखाँ, तिंगें च खैलसे या त्होंयाम् धै ताँनइ म्रोंम्।