हितोपदेश 10:25 - परमेश्‍वरए ताँ तमु क्युइर

²⁵ नाँ-खैं खमा दुष्‍टमैं घ्रि या चैरिब् आरे, दिलेया ठिक के लब्मैं बिस्याँ खोंयोंन् बिले तरिब्मुँ।

हितोपदेश 10:25 ပူးပေါင်းရင်းမြစ်များ

भजनमैं 125:1

याहवेहए फिर भर थेंब्मैं सियोन कों धों तम्, च कोंलाइ खाबज्यै लाल् आखाँ, खोंयोंन् बिलै तरिम्।

भजनमैं 15:5

मुइ पिंमा ब्याज आकिंब, धै तोइ छ्याब आरेबै म्हिमैंलाइ नास लबर घुस (ख्याब) आकिंब, छाबै म्हि क्हिए पबित्र कोंर टिल् योंमुँ। छ लबै म्हिइ खोंयोंइन रक्षा योंम्।

भजनमैं 58:10

छले पापिमैंइ दण्ड योंब् म्रोंसि ठिक के लब्मैं सैं तोंब्मुँ; धै दुष्‍ट म्हिमैंए कोर चमैंइ प्हले ख्रुब्मुँ।

भजनमैं 58:9

पिंग्या मुँले कारयाब मुँलेया पुजु युनन् लुँसि क्हेमैंए भाँडोमैं लाब् भन्दा ओंसोंन् परमेश्‍वरजी दुष्‍ट म्हिमैं नास लवाब्मुँ।

हितोपदेश 1:27

थेबै नाँ-खैं धों तबै दुःख क्हेमैंए फिर खब्मुँ, खैं स्युरब् धोंले क्हेमैंए फिर दुःख स्युरब्मुँ, दुःखइ लमा क्हेमैं क्र ओलै आखाँन् तब्मुँ।

हितोपदेश 10:30

ठिक के लबै म्हि ह्‍युलर खोंयोंइ क्ल्हे तल् योंब्मुँ, दिलेया दुष्‍ट म्हिमैं बिस्याँ ह्‍युलर क्ल्हे तल् योंरिब् आरे।

हितोपदेश 12:3

आछ्याँबै के लबै म्हि जोगेल् आखाँ, दिलेया ठिक के लबै म्हिलाइ लाल् खाँरिब् आरे।

हितोपदेश 12:7

दुष्‍ट म्हिमैं भ्योंवाब्मुँ, चमैं चैरिब् आरे; ठिक के लबै म्हिमैंए धिं बिस्याँ खोंयोंन् बिलै तरिब्मुँ।

मत्ती 16:18

छतसि ङइ क्‍हिलाइ पत्रुस बिम्। ङए चर्च ङ च पाराए फिर बनेब्‍मुँ, धै नर्गर्बै म्रामैंइ च चर्चए फिर ट्होल् खाँरिब् आरे।

एफिसी 2:20

कुल्मिंबै चेला चिब्मैं नेरो अगमबक्‍तामैंइ जग झोंइ। च जगए फिर ङि यहूदीमैंलाइ धोंले क्‍हेमैंलाज्यै या खीजी थेंमिंइमुँ। च जगए तेंर्बै क्र युँमा बिस्याँ येशू ख्रीष्‍टन् ग।

१ तिमोथी 6:19

छले ह्रोंसए ल्हागिर चमैंइ लिउँइँबै जग भोंब् लरिगे, धै खोंयोंइ आखाँबै छ्ह योंल् खाँरिगे।

२ तिमोथी 2:19

दिलेया परमेश्‍वरजी बिबै ताँ बिस्याँ थेबै जग धोंले भोंब मुँ। च जगए फिर पबित्र प्ल्हजी छाप ल्हैदिइमुँ, “प्रभुजी खीए म्हिमैं ङो सेमुँ” धै “प्रभए मिं किंब्मैं ताँन् आछ्याँबै केउँइँले ह्रेंगो तल् त्हुम्।”