हितोपदेश 10:14 - परमेश्‍वरए ताँ तमु क्युइर

¹⁴ बुद्धि मुँबै म्हिइ ज्ञान बुद्धिए ताँमैं सैंर थेंम्, दिलेया बुद्धि आरबै म्हिए सुँइ नास तबै ताँ पोंम्।

हितोपदेश 10:14 ပူးပေါင်းရင်းမြစ်များ

हितोपदेश 1:5

ह्रब्-सेबै म्हिइ थेरिगे धै ल्हें ह्रब-सेब तरिगे, धै क्होबै म्हि ल्हें क्होल् खाँब् तरिगे।

हितोपदेश 10:10

मिइ च्यप्लने चिप्लिले हस्त लबै म्हिइ दुःख पखम्, धै ल्हें पोंबै आमादु केर आफेब् तम्।

हितोपदेश 10:8

ताँ क्होबै म्हिइ अर्थि बुद्धिए ताँ ङिंम्, दिलेया ल्हें पोंबै आमादु नास तयाम्।

हितोपदेश 12:23

ताँ क्होबै म्हिइ ह्रोंसइ ह्रब् सेबै ताँ आगुने बिप्रदै आपों, दिलेया आमादुमैंइ बिस्याँ ह्रोंसइ लबै आछ्याँबै ताँ बिप्रम्।

हितोपदेश 13:3

खैच्हिजिले आपोंबै म्हिए छ्हर बिब् धों तम्, सुँर तो खमुँ चन् पोंबै म्हि नास तयाम्।

हितोपदेश 17:20

आछ्याँबै सैं मुँबै म्हिल बिब् धों आत, स्योलिबै ताँ पोंबै म्हिए छ्हर छ्याँब् आत।

हितोपदेश 18:1

आक्ह्रिबै म्हि लोबए लिलि प्रम्; धै छाबै म्हिइ क्ह्रिल् खाँबै ताँमैं थोम्।

हितोपदेश 18:15

ह्रब् सेब् तदा ङ्‍हाँबै म्हिइ ज्ञान बुद्धिए ताँमैं क्होल् म्हैम्; धै बुद्धि मुँबै म्हिइ छाबै ताँमैं थेबै सैं लम्।

हितोपदेश 18:7

ह्रोंसइ पोंबै ताँइन आमादुल न्होह्रों तम्; ह्रोंसइ पोंबै ताँइ लमन् च ङोर फेम्।

हितोपदेश 19:8

बुद्धि म्हैबै म्हिइ ह्रोंसलाइ म्हाँया लम्, ज्ञान बुद्धि म्हैबै म्हिल बिब् धों मैंब् धों तम्।

हितोपदेश 21:23

सुँइ खैच्हिजिले आपोंइ बिस्याँ ह्रोंसए फिर दुःख तबइले जोगेम्।

हितोपदेश 9:9

बुद्धि मुँबै म्हिलाइ अर्थि पिंमा च झन ह्रब्-सेब् तब्मुँ; ठिक के लबै म्हिलाइ लोमिंमा चइ झन् च्हैंब् मैंब् लल् खाँब्मुँ।

मत्ती 12:35

छ्याँबै सैं प्ह्‍याबै म्हिइ ह्रोंसए सैंर मुँबै छ्याँबै ताँमैंउँइँले छ्याँबै ताँन् पोंमुँ। आछ्याँबै सैं प्ह्‍याबै म्‍हिइ ह्रोंस् न्‍होंर्बै आछ्याँबै सैमैंउँइँले आछ्याँबै ताँमैंन् पोंम्।

मत्ती 13:44

“स्‍वर्गर्बै ग्याल्स म्रोंर पाथेंबै सै न्होर धोंन् तब् ग। म्‍हि घ्रिइ च योंसि लोथेंम्, धै च सैं तोंदै ह्‍यासि ह्रोंसने मुँबै तोन्दोंरि सै चुँसि च म्रों किंम्।

मत्ती 13:52

धबै येशूजी चमैंने बिइ, “छतसि स्वर्ग ग्याल्सर्बै ताँ योंबै ताँन् शास्‍त्रिमैं धिंर्बै क्‍ल्‍हे धोंन् तब् ग। च धिं क्‍ल्‍हेइ ह्रोंसए धनसारउँइँले छारा नेरो स्योब सैमैं बैरु तेल् खाँम्।”