हितोपदेश 1:7 - परमेश्‍वरए ताँ तमु क्युइर

⁷ बुद्धि योंबै ल्हागिर म्हिमैंइ याहवेहलाइ म्हाँदिल् त्हुम्; दिलेया आमादुइ छ्ह खैलेन् थोलेन् तम् बिमुँ, धै ज्ञान बुद्धिए ताँमैं थेल् आङिं।

हितोपदेश 1:7 ပူးပေါင်းရင်းမြစ်များ

भजनमैं 111:10

याहवेहलाइ मान लब बुद्धि योंबै घ्याँ ग; खीजी बिबै ताँ ङिंब्मैंइ छेनाले च्हैंब् मैंब् लल् खाँम्। खीए मिं खोंयोंन् बिलै थेब् तरिम्!

हितोपदेश 1:22

“ओ आमादुमैं, क्हेमैं खोंयों समा ज्ञान बुद्धिलाइ तो धोंइ आङ्हाँन्ले प्ररिमुँ? खोंयों समा आउलाइ प्ह्रबै ताँमैं लसि सैं तोंरिमुँ, ओ आमादुमैं, तले जा, क्हेमैंइ ज्ञान बुद्धिलाइ तो धोंइ आङ्हाँब?

हितोपदेश 15:32

लोदा सैंदाए ताँ आथेबै म्हिइ ह्रोंसल्न न्होह्रों लम्, दिलेया लोदा सैंदाए ताँ ङिंबै म्हि ह्रब्-सेब् तम्।

हितोपदेश 15:33

याहवेहए मान लबै म्हिइ बुद्धि योंम्, ह्रोंस च्योंने तस्याँ मान योंब्मुँ।

हितोपदेश 15:5

आबाइ लोमिंबै ताँमैं आमादुइ आङिं, दिलेया बुद्धि मुँबै म्हिइ लोदा सैंदाए ताँमैं ङिंम्।

हितोपदेश 18:2

आमादुमैंइ ताँ क्होदा आङ्हाँ; चमैं ह्रोंसए ताँ फिर लल् योंस्याँ मत्त्रे सैं तोंम्।

हितोपदेश 2:5

क्हिइ याहवेहने खैले ङ्हिंल त्हुमुँ बिबै ताँमैं छेनाले क्होब्मुँ, धै परमेश्‍वरए ज्ञान योंब्मुँ।

हितोपदेश 23:9

आमादुने ताँ आसेद्, तलेबिस्याँ क्हिइ पोंबै बुद्धिए ताँमैं चइ आखो।

हितोपदेश 9:10

याहवेहने प्रे ङ्हिंब्मैंइ बुद्धि योंम्, पबित्र परमेश्‍वरलाइ ङोसेबै म्हि च्हैंब् मैंब् लल् खाँम्।

रोमी 1:28

म्‍हिमैंइ परमेश्‍वरलाइ पिंल् त्हुबै मान आपिं, छतसि चमैंइ तो लदा ङ्हाँम् लरिगे बिसि पिवाइ।