हितोपदेश 1:23 - परमेश्‍वरए ताँ तमु क्युइर

²³ ङइ हौदिलैया क्हेमैंए सैंर चु ताँम् ङए ल्हागिर्न ग ङ्‍हाँस्याँ, ङइ ह्रोंसए खोंर्बै ताँ क्हेमैंने बिमल; धै ङए ताँमैं क्हेमैंलाइ सेल् पिंमल।

हितोपदेश 1:23 ပူးပေါင်းရင်းမြစ်များ

भजनमैं 145:1

ओ ङए परमेश्‍वर, ङए म्रुँ, ङ क्हिए मिं थेब् लब्मुँ, ङ खोंयोंन् बिलै क्हिलाइ धन्यबाद पिंब्मुँ।

हितोपदेश 1:25

ङइ हौदिब क्हेमैंए ल्हागिर्न ग बिब क्हेंमैइ आक्हो; ङइ लबै लोदा सैंदाए ताँमैं क्हेमैंइ तो धोंइ आङ्हाँ।

हितोपदेश 1:30

ङइ लोदा सैंदा लमा चमैंइ थेल् आङिं, धै चमैं छ्याँब् तरिगे बिसि ङइ हौदिमा चमैं आच्यो,

हितोपदेश 10:17

लोद-सैंदाए ताँमैं ङिंबै म्हिमैं छ्याँबै छ्ह योंबै घ्याँर प्रमुँ, दिलेया लोदा सैंदा लमा थेबै न्ह आलबै म्हि आछ्याँबै घ्याँर फेम्।

हितोपदेश 12:1

लोदा सैंदाए ताँमैं ङिंबै म्हिइ ज्ञान बुद्धिए घ्याँर प्रम्, दिलेया लोदा सैंदा लमा थेल् आङिंबै म्हि आमादु ग।

हितोपदेश 29:1

कतिन् हौदिसेया पोथाँइ आनबै म्हि थाइ आसेल्‍ले नास तयाम्।

हितोपदेश 6:23

तलेबिस्याँ चइ बिबै ताँमैं क्हिए ल्हागिर बत्ति ग, धै लोदा सैंदाए ताँमैं क्हिलाइ घ्याँ तेंबै ह्‍वे ग, धै बानि छ्याँब् तरिगे बिसि हौदिमा छ्याँबै छ्ह थोबर क्हिलाइ घ्याँ उँइँम्।

लूका 11:13

क्‍हेमैं दुष्‍ट तलेया ह्रोंसए प्हसेमैंलाइ छ्याँबै सैमैं पिंल् ह्रम् बिस्याँ, झन् स्‍वर्गर टिबै क्हेमैंए परमेश्‍वर आबाजी खीने बालु ह्रिब्मैंलाइ कति ल्हें पबित्र प्ल्ह पिंब्‍मुँ।”

यूहन्‍ना 7:39

येशूजी चु ताँ पबित्र प्ल्हए बारेर बिल। तलेबिस्याँ येशूए फिर बिश्‍वास लब्‍मैंइ पबित्र प्ल्ह योंमल। च त्‍हेर परमेश्‍वरजी खीए प्ल्ह म्हिमैं फिर आकुलल। तलेबिस्याँ च त्हे समा येशू मान योंबै स्‍वर्गर आह्‍याल।

चेला चिब्मैंए केमैं 26:20

ङ ओंसों डमस्‍कस नेरो यरूशलेम सहरजरे, यहूदीमैंए ताँन् ह्‍युलरि, झाइले अरू ह्रेंमैंए ह्‍युलरै या ह्‍यासि पाप केमैं पिसि परमेश्‍वरउँइँ सैं एद् धै ह्रोंसइ सैं एइ बिब उँइँबर छ्याँबै केमैं लल् त्‍हुम् बिसि लोमिंइ।

चेला चिब्मैंए केमैं 3:19

छतसि खीजी क्हेमैंए पाप ख्रुमिंरिगे, खीउँइँले क्हेमैं छिं ङ्हाँन् योंरिगे, झाइले खीजी क्हेमैंए ल्हागिर ओंसोंन् त्हाँबै म्रुँ ख्रीष्‍ट येशू कुल्‍मिंरिगे बिसि