फिलेमोन 1:8 - परमेश्‍वरए ताँ तमु क्युइर

⁸ छतसि ख्रीष्‍टए के लबै ल्हागिर क्हिलाइ के ल्हैदिबै हग ङने मुँलेया “ङइ ल्हैदिबै के ललन् त्हुम्” बिसि क्हिलाइ कर आल्हैदि।

फिलेमोन 1:8 ပူးပေါင်းရင်းမြစ်များ

२ कोरिन्थी 10:8

प्रभुजी ङिलाइ पिंबै अधिकार क्‍हेमैंलाइ न्‍होह्रों लबै ल्हागिर पिंब आङिं, बरु क्‍हेमैंलाइ भोंब् लमिंबै ल्हागिर पिंब् ग। छतसि प्रभुजी ङिलाइ पिंबै अधिकारए बारेर ङइ प्हैंसि पोंलेया ङ फापिल् त्हुरिब् आरे।

२ कोरिन्थी 11:21

ङिइमि छ लल् आखाँ, फा पिल् त्‍हुबै ताँ मुँ। दिलेया खाबज्‍यै या तो मुँले ताँर थेब् प्‍हैंम् बिस्याँ, ङै या बुद्धि आरेबै म्हि धोंले च ताँर्न थेब् प्हैंसि पोंम्।

२ कोरिन्थी 3:12

छतसि ङिल छाबै क्ह्रोंसेंन्बै आशा मुँबइले सैं तोंबै ताँ बिप्रमा थेबै भों खम्।

एफिसी 5:4

आछ्याँबै ताँ, केर आफेबै ताँ, नेरो फा पिन् तबै ताँ खोंयोंइ या आपोंन्। बरु खोंयोंन् बिलै परमेश्‍वरलाइ धन्‍यबाद पिंन्।

१ थेसलोनिकी 2:2

क्‍हेमैं ङाँर खब् भन्दा ओंसों फिलिप्‍पीमैंइ ङि म्हि आच्हिसि बेल्‍ले दुःख पिंब क्हेमैंइ सेइमुँ। छलेन क्‍हेमैंए सहररै या बिरोध लब्मैं ल्हें तनाबिलेया परमेश्‍वरजी ङिए सैं भोंब् लमिंबइले ङिइ क्‍हेमैंलाइ सैं तोंबै ताँ बिल् योंइ।

१ थेसलोनिकी 2:6

ख्रीष्‍टजी कुल्मिंबै चेला चिब्मैं तबइले ङिइ क्हेमैंने “च लद्, चु लद्,” बिल् खाँमल। दिलेया ङिइ ना क्‍हेमैंउँइँले, ना अरू म्‍हिमैंउँइँले, खाबउँइँले या ङिइ मान आम्‍हैल,