फिलेमोन 1:4 - परमेश्‍वरए ताँ तमु क्युइर

⁴ ओ अलि फिलेमोन, ङइ प्राथना लमा क्हिलाइ मैंसि ङए परमेश्‍वरलाइ खोंयोंन् बिलै धन्‍यबाद पिंम्,

फिलेमोन 1:4 ပူးပေါင်းရင်းမြစ်များ

रोमी 1:8

ओंसों बिल् त्हुबै ताँ, येशू ख्रीष्‍टए फिर क्‍हेमैंइ बिश्‍वास लइमुँ बिबै छ्याँबै ताँमैंए बयन ह्‍युल तिगोंन् थेनेइमुँ। छतसि क्‍हेमैं ताँनए ल्हागिर येशू ख्रीष्‍टउँइँले ङए परमेश्‍वरलाइ धन्‍यबाद पिंम्।

एफिसी 1:16

चु ताँ थेसि ङइ परमेश्‍वरलाइ धन्‍यबाद पिंब आपिइमुँ। ङइ खोंयोंन् बिलै क्‍हेमैंए ल्हागिर प्राथना लरिम्।

फिलिप्पी 1:3

क्हेमैंए साँ खब्रें लमा खोंयोंन् बिलै ङए परमेश्‍वरलाइ ङइ धन्‍यबाद पिंम्।

कलस्सी 1:3

ङिइ क्‍हेमैंए ल्हागिर प्राथना लमा ङ्योए प्रभु येशू ख्रीष्‍टए आबा परमेश्‍वरलाइ खोंयोंइ या धन्‍यबाद पिंम्।

१ थेसलोनिकी 1:2

ङि प्राथना लमा खोंयोंन् बिलै क्‍हेमैंलाइ मैंसि परमेश्‍वरलाइ धन्‍यबाद पिंम्।

२ थेसलोनिकी 1:3

ओ अलि-अङाँमैं, क्‍हेमैंए ल्हागिर ङिइ परमेश्‍वरलाइ खोंयोंन् बिलै धन्‍यबाद पिंलन् त्‍हुम्। छ लब ठिक मुँ, तलेबिस्याँ क्हेमैंइ लबै प्रभु येशूए फिर्बै बिश्‍वास बडिसि ह्रों-ह्रोंसए न्होंरै या घ्रिइ घ्रिने झन् ल्हें म्हाँया लरिइमुँ।

२ तिमोथी 1:3

ङए खेमैं-मामैंइ परमेश्‍वरए केमैं छ्याँबै सैंइ लब् धोंले, ङज्यै या छ्याँबै सैंउँइँले परमेश्‍वरए के लम्, छले ताँनइ छ्याँबै सैंउँइँले मान लल् त्हुबै परमेश्‍वरए सेवा लबै म्हि क्हि तबइले ङए प्राथनार खोंयोंइन् बिलै ङइ क्हिए ल्हागिर परमेश्‍वरलाइ धन्‍यबाद पिंम्।

फिलेमोन 1:5

तलेबिस्याँ क्‍हिइ प्रभु येशूए फिर बिश्‍वास लसि ताँन् बिश्‍वासीमैंने म्हाँया लइमुँ बिबै ताँ ङइ थेइमुँ।