फिलेमोन 1:24 - परमेश्‍वरए ताँ तमु क्युइर

²⁴ छलेन ङने बालु के लब्‍मैं मर्कूस, अरिस्‍तार्खस, डेमास नेरो लूकाज्यै या क्हिलाइ जय मसीह बिमिंइमुँ।

फिलेमोन 1:24 ပူးပေါင်းရင်းမြစ်များ

चेला चिब्मैंए केमैं 12:12

चु ताँ था सेसि पत्रुस मर्कूस बिबै यूहन्‍नाए आमा मरियमए धिंर ह्‍याइ। चर ह्‍यामा ल्हें म्हि खागु तसि प्राथना लरिल।

चेला चिब्मैंए केमैं 12:25

झाइले बारनाबास नेरो शाऊल ह्रोंसइ लल् त्हुबै के खाँसि यरूशलेमउँइँले एह्‍यामा मर्कूस बिबै यूहन्‍ना या चमैंने ह्‍याइ।

चेला चिब्मैंए केमैं 13:13

पावल नेरो चए थुमैं पाफोसउँइँले क्‍यु झाजर क्रेसि पामफिलिया ह्‍युलर्बै पर्गार फेनेइ। दिलेया मर्कूस बिबै यूहन्‍ना बिस्याँ चमैंने फ्रेसि च क्ल्ह्‍योउँइँले यरूशलेमर एह्‍याइ।

चेला चिब्मैंए केमैं 19:29

छतमा च सहर तिगोंन् खैला-बैला तइ धै चमैं घ्रि तसि पावलने प्रबै माकेडोनियाथेंमैं ङ्हिं गायस नेरो अरिस्‍तार्खस क्हासि रङ्गशालए न्होंर चैंदै बोइ।

चेला चिब्मैंए केमैं 27:2

ङि एड्रामिटेनोस सहरउँइँले एशिया ह्‍युलए रे-रेबै क्ल्ह्‍यो ततै ह्‍याबै क्यु झाजर क्रेइ। छले ह्‍यामा माकेडोनिया ह्‍युलर्बै थेसलोनिकाथें अरिस्‍तार्खस बिबै म्हि घ्रि या ङिने बालु मुँल।

२ कोरिन्थी 8:23

तीतस बिस्याँ ङए थु तसि ङने बालुन् क्हेमैंलाइ ल्होबै के लम्। चने बालु खबै अरू अलिमैं ख्रीष्‍टए मान तबै के लबर बिश्‍वासीमैंइ कुल्मिंब् ग।

फिलिप्पी 2:25

ङए अलि इपाफ्रोडिटस क्हेमैंए सउँसर बिबै म्‍हि ग, ङए खाँचो ल्होबर क्‍हेमैंइ च कुल्मिंल। ङइ सैं तोंबै ताँ बिप्रबै क्ल्ह्‍योजरे ङए फिर दु:ख तमा चज्यै या ङने बा-बालुन् द:ख नोइ। तारे च क्‍हेमैं ङाँर एमिंल् त्हुइ बिसि ङए सैंर ङ्हाँइ,

फिलिप्पी 4:3

ओ ङइ भर लल् खाँबै ङए थु, ङ क्हिने बिमुँ: “च च्हमिरिमैंलासे या ल्होब्रें लद्।” तलेबिस्याँ सैं तोंबै ताँ म्हिमैंने बिप्रबै केर ङ, क्लेमेस नेरो अरू थुमैंने बालुन् चुमैंज्यै या बेल्‍ले के लइमुँ। चुमैंए मिं खोंयोंइ आखाँबै छ्ह योंबै कितबर मुँ।

कलस्सी 4:10

ङने बालु झेलर च्युथेंबै थु अरिस्‍तार्खसइ क्‍हेमैंने जय मसीह बिमिंइमुँ। छलेन बर्णाबासए अलि फेबै मर्कूसज्‍यै या क्‍हेमैंने जय मसीह बिमिंइमुँ। (च मर्कूसए बारेर ङइ क्‍हेमैंलाइ ओंसों ताँ पिंइ: च क्हेमैं ङाँर खइबिस्‍याँ चए मान लद्।)

कलस्सी 4:14

झाइले खोबै वैद्य लूकाइ नेरो डेमासइ क्‍हेमैंने जय मसीह बिमिंइमुँ।

१ पत्रुस 5:13

चु बेबिलोन सहरर्बै बिश्‍वासीमैं नेरो ङए च्ह मर्कूसज्यै क्‍हेमैंने जय मसीह बिमिंइमुँ। क्‍हेमैंलाइ धोंले चमैंलाज्यै या परमेश्‍वरजी त्‍हाँब् ग।

३ यूहन्‍ना 1:8

छतसि ङ्योज्यै या क्ह्रोंसेंन्बै ताँ बिप्रबै केर ल्होमिंबै ल्हागिर छाबै म्‍हिमैंए सेवा ङ्योइ लल् त्‍हुम्।