फिलेमोन 1:22 - परमेश्‍वरए ताँ तमु क्युइर

²² अर्को ताँ ङए ल्हागिर टिबै क्ल्ह्‍यो लथेंन्, तलेबिस्याँ क्‍हेमैंए प्राथना थेसि परमेश्‍वरजी ङ क्‍हेमैं ङाँर खल् पिंम् बिसि ङए सैंर आशा लइमुँ।

फिलेमोन 1:22 ပူးပေါင်းရင်းမြစ်များ

चेला चिब्मैंए केमैं 27:24

च स्वर्गदूतइ ङने बिइ, ‘ओ पावल, आङ्हिंन्! क्हि कैसर म्रुँए उँइँर खैलसे या राल् त्हुम्। धै क्हिने क्यु झाजर क्रेब्मैं ताँनए ज्यु परमेश्‍वरजी क्हिए योर पिंइमुँ।’

चेला चिब्मैंए केमैं 28:23

च लिउँइँ चमैंइ पावलए ताँ थेबर त्हिंइ घ्रि तोक्दिइ। छतमा ल्हें म्हि पावल टिबै क्ल्ह्‍योर खइ। धै चइ न्हाँगउँइँले ङेसा समा परमेश्‍वरए ग्याल्सर्बै ताँमैं लोमिंइ। चइ मोशाइ पिंबै ठिम नेरो अगमबक्‍तामैंए कितबमैंउँइँले पावलइ परमेश्‍वरए ग्याल्सर्बै ग्वाइ पिंसि यशूए बारेर्बै ताँमैं क्होमिंबै भों लरिल।

रोमी 15:24

छतसि तारे ङ स्‍पेन बिबै ह्‍युलर ह्‍यासिन्मुँ, च्हमन् क्‍हेमैंने त्‍होबै आशा मुँ। चर क्हेमैंने तिस्‍याँदेन् बिलै संगति लदा ङ्हाँइमुँ। धै स्‍पेन ह्‍याबै ल्हागिर क्‍हेमैंइ ङलाइ ल्होलै ङ्हाँइमुँ।

२ कोरिन्थी 1:11

चए ल्हागिरि क्‍हेमैंज्‍यै या ङिलाइ प्राथना लसि ल्होमिंल् त्हुम्। खीजी अझै ङिलाइ ल्होमिंब्‍मुँ। ल्हें म्‍हिमैंइ छले प्राथना लमिंमा खीजी प्राथना थेसि आशिक पिंब्‍मुँ। छतसि खीजी ङिलाइ ल्होमिंबइले ल्हें म्‍हिमैंइ परमेश्‍वरलाइ धन्‍यबाद पिंब्‍मुँ।

फिलिप्पी 1:19

ओं, ङ तोंब्मुँ, तलेबिस्याँ क्हेमैंए प्राथना नेरो येशू ख्रीष्‍टए प्ल्हजी ल्होमिंबइले युनन् ङ झेलउँइँले त्होंल् योंब्मुँ बिब ङइ सेइमुँ।

फिलिप्पी 2:24

ङैया क्‍हेमैं ङाँर युनन् खब्मुँ बिसि प्रभुए फिर भर थेंइमुँ।

हिब्रू 13:19

ङ यो छ्यु लमुँ, ङ धबै क्‍हेमैं ङाँर युनन् खल् योंरिगे बिसि ङए ल्हागिरै या प्राथना लमिंन्।

हिब्रू 13:23

ङ क्‍हेमैंने चु ताँ या बिम्: ङ्योए अलि तिमोथी झेलउँइँले त्‍होंल् खाँइमुँ। च युनन् ङ ङाँर खइ बिस्‍याँ च बालुन् ङ क्‍हेमैंने त्‍होबर खब्‍मुँ।

याकूब 5:16

छतसि क्‍हेमैं घ्रिइ घ्रिने ह्रों-ह्रोंसए पाप आलोद्, पाप लइमुँ बिस्याँ लइमुँन् बिद्। झाइले क्हेमैं सबै ल्हागिर घ्रिइ घ्रिए ल्हागिर प्राथना लद्। छ्याब आरेबै म्हिइ लबै प्राथनार शक्ति मुँ, छतसि चइ के लम्।

२ यूहन्‍ना 1:12

ङइ क्‍हेमैंलाइ प्ह्रिल् त्‍हुबै ताँमैं ल्‍हेन् मुँ, दिलेया तोगो तोन्दोंरि ताँमैं प्‍ह्रिदा आङ्हाँ। बरु ङ्यो बेल्‍ले तोंल् योंरिगे बिसि क्हेमैंनेन् त्होसि ताँ लबै सैं ङल् मुँ।

३ यूहन्‍ना 1:14

बरु क्‍हिनेन् त्‍होसि ताँ लदा ङ्हाँइमुँ। छतसि ङ्यो तारे युनन् त्होसि ताँमैं लस्यो।