फिलेमोन 1:20 - परमेश्‍वरए ताँ तमु क्युइर

²⁰ छतसि ओ ङइ खोबै अलि, प्रभु नेरो ङए ल्हागिर चए फिर ल्हयो लमिंन्। ख्रीष्‍टए फिर बिश्‍वास लबै ङए अलि, क्हिइ चु ताँर ङए सैं सन्‍तोक लमिंन्।

फिलेमोन 1:20 ပူးပေါင်းရင်းမြစ်များ

१ कोरिन्थी 16:18

चमैंइ क्हेमैंए सैं तोंन् लब् धोंले ङलाज्यै या तोंन् लमिंइमुँ। छाबै म्‍हिमैंए मान लल् त्हुम्।

२ कोरिन्थी 2:2

तलेबिस्याँ ङइ क्हेमैंए सैं नल् लवाइ बिस्याँ खाबइ ङए सैं क्‍होमिंम्? ङए सैं क्होमिंबम् क्हेमैंन् ग।

२ कोरिन्थी 7:13

ङिइ बिबै ताँ क्हेमैंइ ङिंब् म्रोंसि ङिए सैं क्‍होइ। ङिए सैं क्‍होब मत्‍त्रे आङिं, क्‍हेमैंइ तीतसलाइ छ्याँन् लसि चए सैं तोंन् लमिंब् म्रोंसि ङि झन् सैं तोंइमुँ।

फिलिप्पी 1:8

क्‍हेमैंए फिर ख्रीष्‍ट येशूजी खैले म्हाँया लमुँ, छलेन ङज्यै या क्‍हेमैं ताँनए फिर म्हाँया लसि साँ खम्। चु ताँ परमेश्‍वरज्यै सेइमुँ।

फिलिप्पी 4:1

छतसि, ङइ खोबै अलि-अङाँमैं, छलेन् क्हेमैं प्रभुए भोंब् तरिद्। ङइ क्‍हेमैंलाइ म्हाँया लमुँ, धै क्हेमैंए साँ खरिम्। क्हेमैंइ ङए सैं तोंन् लमिंइमुँ छतसि क्हेमैं ङए मुकुट ग।

फिलेमोन 1:12

च ङइ खोबै च्ह ग, दिलेया ङइ च तोगो क्हि ङाँर कुलबै सैं लइमुँ।

फिलेमोन 1:7

ओ अलि, क्‍हिइ ङने च्हौ थेबै म्हाँया लब् म्रोंसि ङ बेल्‍ले सैं तोंसि भों योंइमुँ, तलेबिस्याँ क्हिइ प्रभुए म्‍हिमैंए सैं क्‍होल् लमिंइमुँ।

हिब्रू 13:17

क्‍हेमैंए अगुवामैंइ बिब ङिंन्, धै खेंमैंए न्होंर टिद्। तलेबिस्याँ “ङइ लबै केए हिसाब परमेश्‍वरलाइ पिंल् त्‍हुम्” बिब सेसि चमैंइ क्‍हेमैंए छैं छेनाले लरिम्। छतसि चु के चमैंइ सैं तोंन्ले लरिगे, गार म्हाँदिसि आङिं। चमैंइ गार म्हाँदिल्‍ले के लस्याँ क्‍हेमैंला तोइ बिब् धों तरिब् आरे।

१ यूहन्‍ना 3:17

दिलेया प्लबै म्‍हि घ्रिइ ह्रोंसए बिश्‍वासी अलि-अङाँलाइ खाँचो तब् म्रोंसेया चमैंए फिर सैं सारो लइ बिस्‍याँ, परमेश्‍वरए म्हाँया चने तम्‌ रो वा?

३ यूहन्‍ना 1:4

ङए कोलोमैं छले क्ह्रोंसेंन्‍बै घ्याँर प्रइमुँ बिबै ताँ थेमा चु भन्दा थेबै सैं तोंन् लबै ताँ ङए ल्हागिर अरू तोइ आरे।