फिलेमोन 1:2 - परमेश्‍वरए ताँ तमु क्युइर

² झाइले ङिए अङाँ अप्‍फिया, ङिने बा-बालुन् के लबै येशूए सिपाइ अर्खिप्पस नेरो क्‍हिए धिंर खागु तबै बिश्‍वासीमैंने जय मसीह बिमिंन्।

फिलेमोन 1:2 ပူးပေါင်းရင်းမြစ်များ

रोमी 16:1

तारे ङ ङ्योए अङाँ फिबिलाइ क्‍हेमैंने ङो सेब् मिं सेब् लमिंम्। चइ किंक्रिया नाँसर्बै बिश्‍वासीमैंलाइ ल्होमिंम्।

रोमी 16:5

चमैंए धिंर मुँबै बिश्‍वासीमैंलाज्यै या ङए जय मसीह बिमिंन्। ङइ खोबै थु इपेनितसलाज्यै या जय मसीह मुँ। च एशिया ह्‍युलर्बै येशू ख्रीष्‍टए फिर बिश्‍वास लबै ओंसोंबै म्‍हि ग।

१ कोरिन्थी 16:19

चु एशिया ह्‍युलर्बै बिश्‍वासीमैंइ क्‍हेमैंने जय मसीह बिमिंइमुँ। अकिलास, प्रिस्‍का नेरो चमैंए धिंर खागु तबै बिश्‍वासीमैंज्यै या क्‍हेमैंलाइ प्रभुए मिंरि जय मसीह बिमिंइमुँ।

फिलिप्पी 2:25

ङए अलि इपाफ्रोडिटस क्हेमैंए सउँसर बिबै म्‍हि ग, ङए खाँचो ल्होबर क्‍हेमैंइ च कुल्मिंल। ङइ सैं तोंबै ताँ बिप्रबै क्ल्ह्‍योजरे ङए फिर दु:ख तमा चज्यै या ङने बा-बालुन् द:ख नोइ। तारे च क्‍हेमैं ङाँर एमिंल् त्हुइ बिसि ङए सैंर ङ्हाँइ,

कलस्सी 4:15

लाउडिकिया नाँसर्बै बिश्‍वासीमैं नेरो ङ्योए अङाँ नुम्‍फा, झाइले चए धिंर खागु तबै बिश्‍वासीमैंने ङिए जय मसीह बिमिंन्।

कलस्सी 4:17

झाइले अर्खिप्पसने ङउँइँले “क्‍हिइ प्रभुए सेवा खैले लल् त्‍हुम् बिसि जिम्‍मा योंइमुँ, च के पूरा लद्,” बिसि बिमिंन्।