मर्कूस 9:50 - परमेश्‍वरए ताँ तमु क्युइर

⁵⁰ चज लिंबै सै ग, चए स्वाद् म्हह्‍याइ बिस्याँ च तोइ लिंन् लब? च केर आफेब तइ। छतसि चज लिंब् तब् धोंले क्‍हेमैंए न्होंरि क्ह्रिसि टिद्। छले क्‍हेमैं क्ह्रिसि टिद्।”

मर्कूस 9:50 ပူးပေါင်းရင်းမြစ်များ

भजनमैं 133:1

थेद्, आघें-अलिमैं क्ह्रिसि टिब बेल्‍ले छ्याँबै सैं तोंबै ताँ ग!

भजनमैं 34:14

आछ्याँबै के लबउँइँले एखो धै छ्याँबै के लद्; आक्ह्रिबै म्हिमैं क्ह्रिमिंन्, खोंयोंन् बिलै छाबन् के लरिद्।

मत्ती 5:13

“क्हेमैं ह्‍युलर्बै चज ग, दिलेया चजए स्वाद् म्‍हयाइ बिस्याँ च धबै तोइ स्वाद खल् लब? छाबै चज तो ललेया धबै स्‍वाद आखा, धै तो केरै आत्‍हुब तयाम्। छाबै चज बैरु भ्‍योंवासि म्हिमैंए प्हलेइ प्‍लेवाब्‍मुँ।

मर्कूस 9:34

दिलेया चमैं तोइ आबिल्‍ले टिइ, तलेबिस्याँ घ्‍याँर खरिमा चमैंइ “ङ्योए न्‍होंर खाब् थेब् जा?” बिसि खें-खेंमैंन् ताँ लरिल।

मर्कूस 9:49

“चजइ चबै सैमैं क्राँल् आलब् धोंले ताँन् म्‍हिमैंलाइ मिइ जाँच लब्मुँ।

रोमी 12:18

खाँन् समा ताँनने क्ह्रिसि टिद्।

२ कोरिन्थी 13:11

ओ अलि-अङाँमैं, छेन्‍ले टिद् ओ, जय मसीह। ताँन् केमैं छेनाले लबै भों लदु, घ्रिइ-घ्रिए सैं क्होमिंबै के लदु, क्ह्रिसि टिदु, घ्रिइ-घ्रिलाइ सैदिदु। झाइले खीए म्हाँयाउँइँले ङ्योए सैं क्‍होल् लमिंबै परमेश्‍वर क्‍हेमैंने तब्‍मुँ।

गलाती 5:22

दिलेया पबित्र प्ल्हए रोमैं छाब् ग: आगुए फिर म्हाँया खब, सैं तोंब, शान्ति तब, सैदिल् खाँब आगुए फिर ल्हयो खब, अरूमैंल छ्याँब तरिगे ङ्हाँब, लम् बिबै के पूरा लब,

एफिसी 4:29

आछ्याँबै ताँ क्‍हेमैंए सुँउँइँले आत्‍होंरिगे, बरु थेब्मैंलाइ आशिक खल्‍ले आगुलाइ छ्याँबै घ्याँर डोरेबै छ्याँबै ताँमैं मत्‍त्रे पोंब्रें लद्।

फिलिप्पी 1:27

येशू ख्रीष्‍टउँइँले खबै सैं तोंबै ताँइ बिब् धोंले छ्ह थोद्। ङ क्हेमैं ङाँर खलै आखलै क्हेमैंए सैं फो घ्रिन् तसि खोंर थेबै बिश्‍वास लसि सैं तोंबै ताँ म्हिमैंने बिप्रबर भों लइमुँ बिबै ताँ ङइ थेदा ङ्हाँइमुँ।

कलस्सी 3:12

क्हेमैं परमेश्‍वरजी खोबै त्हाँबै पबित्र म्हिमैं ग। छतसि खीए म्हिमैं तबइले क्‍हेमैंइ आगुए फिर ल्‍हयो खसि छ्याँबै के लब, थेब् आप्‍हैंब, ह्रिस आखब, धै सैदिल् खाँब तद्।

कलस्सी 4:6

क्‍हेमैंइ अरूलाइ खोंयोंइ सैं नल् आलल्‍ले छ्याँबै सैं मैंसि ताँ पोंल् त्‍हुम्। धै ताँन् म्‍हिमैंने खैले जवाफ पिंल् त्‍हुम् बिसि क्‍हेमैंइ सेल् खाँम्।

१ थेसलोनिकी 5:13

चमैंए छ्याँबै के म्रोंसि चमैंइ बिबै ताँ ङिंनु, धै चमैंलाइ थेबै म्हाँयाले मान लद्। क्‍हेमैं ताँन् क्ह्रिसि टिद्।

२ तिमोथी 2:22

छतसि क्हि फ्रेंसि तमा ज्युइँले खबै आछ्याँबै केउँइँले स्यो तद्, धै छ्याँबै सैंउँइँले प्रभुए मिं किंब्मैंने बा-बालु छ्याँबै केमैं लदै, बिश्‍वासर भोंब् तसि म्हाँयार क्ह्रिसि प्रद्।

हिब्रू 12:14

ताँन् म्‍हिमैंने क्ह्रिब भों लद्, धै पबित्रले छ्ह थोबै सैं लद्। छले छ्ह आथोस्‍याँ खाबज्‍यै या प्रभु म्रोंल् आखाँ।

याकूब 1:20

तलेबिस्याँ ह्रिस खबै म्हिइ परमेश्‍वरए के छेनाले लल् आखाँ।

१ पत्रुस 3:8

आखिरि ताँ चु मुँ: क्‍हेमैं ताँनए सैं घ्रि तद्। अरूए फिर दुःख तमा ल्‍हयो खद्। घ्रिइ घ्रिलाइ ह्रोंसए अलि-अङाँमैंने धोंले म्हाँया लद्। आगुए फिर ल्हयो खद्, सैं सारो आलद्।