मर्कूस 9:47 - परमेश्‍वरए ताँ तमु क्युइर

⁴⁷ छलेन क्‍हिए मिइ क्‍हि पापर च्होवाम् बिस्‍याँ, च मि ट्हुइ भ्‍योंवान्। मि ङ्हिंन ङ्हिंन् तसि नर्गर ह्‍याब् भन्दा मि घ्रि मत्‍त्रे तनाबिलेया परमेश्‍वरए ग्याल्सर ह्‍याल् योंब क्हिए ल्हागिर छ्याँब तम्।

मर्कूस 9:47 ပူးပေါင်းရင်းမြစ်များ

उत्पत्ति 3:6

झाइले च सिंधुँर्बै रो चबर लिंब, ङ्ह्‍योमा छ्याँब नेरो बुद्धि योंबै ल्हागिर च सिंधुँए रो चल् त्हुमन बिसि च्हमिरिइ मैंइ। छतसि चइ च सिंधुँए रो टोंसि चवाइ, ह्रोंसए प्युँलाज्यै पिंइ, धै प्युँज्यै या चइ।

भजनमैं 119:37

ङए मिइ केर आफेबै सैमैं ङ्ह्‍योल् आपिंन्; क्हिए ताँइ बिब् धोंलेन् ङए‍ रक्षा लमिंन्।

मत्ती 18:9

छलेन क्‍हिए मिइ क्‍हिलाइ पाप लबर ल्हैदिम् बिस्याँ चै या ट्हुइसि भ्‍योंवाँन्। मि ङ्हिंनेन् नर्गर्बै मिर ह्‍याब् भन्दा कन तसि खोंयोंइ आखाँबै छ्ह योंब क्‍हिए ल्हागिरि छ्याँब तम्।

मत्ती 5:22

दिलेया ङ क्‍हेमैंने बिमुँ, ह्रोंसए अलिने ह्रिस खबै म्हिइ दण्‍ड योंम्, धै ह्रोंसए अलिने म्हि आच्हिल्‍ले पोंबै म्हिइ थेबै म्हि च्होंए उँइँर रामा ज्वाफ पिंल् त्हुम्। छलेन ह्रोंसए अलिने ‘क्‍हि आमादु’ ग बिबै म्हि नर्गर्बै मिर फेल् त्हुब्मुँ।

मर्कूस 9:43

क्हिए योइ क्‍हि पापर च्होवाम् बिस्‍याँ च यो थोवाद्। यो ङ्हिंन ङ्हिंन् तसि नर्गर्बै मिर ह्‍याब् भन्दा बरु डुँड तनाबिलेया खोंयोंइ आखाँबै छह् योंब क्हिए ल्हागिर छ्याँब तम्।

मर्कूस 9:46

[नर्गर्बै प्‍हुलुँइ म्‍हि चम्, चर्बै प्हुलुँ खोंयोंइ आसि, चर्बै मि या खोंयोंइ आसि।]

लूका 14:26

“ङए लिलि खब्मैंइ ह्रोंसए आबा, आमा, प्ह्रेंस्यो, प्‍हसेमैं, अलि-अङाँमैं नेरो ह्रोंसए ज्यु या तो धोंइ आङ्हाँ बिस्याँ च ङए चेला तल् आखाँ।

यूहन्‍ना 3:3

येशूजी चने बिइ, “क्‍ह्रोंसेंन ङ क्‍हिने बिमुँ, छारा तसि आफिइ बिस्याँ खाबै या परमेश्‍वरए ग्याल्स म्रोंल् आखाँ।”

यूहन्‍ना 3:5

येशूजी बिइ, “क्‍ह्रोंसेंन ङ क्‍हिने बिमुँ, क्‍यु नेरो परमेश्‍वरए प्ल्हउँइँले आफिइ बिस्याँ खाबै या परमेश्‍वरए ग्याल्सर होंल् आखाँ।

गलाती 4:15

क्‍हेमैं च त्हेर बेल्‍ले सैं तोंल। ङइ क्‍हेमैंए ल्हागिर चु ग्वाइ पिंल् खाँम्: क्‍हेमैंइ पिंल् तबै सै मुँस्याँ क्‍हेमैंए मिइ या तेसि ङलाइ पिंमल! दिलेया तोगो तो तइ?