मर्कूस 9:45 - परमेश्‍वरए ताँ तमु क्युइर

⁴⁵ छलेन क्‍हिए प्‍हलेइ क्‍हि पापर च्होवाम् बिस्‍याँ, च प्‍हले थोवाद्। प्‍हले ङ्हिंन ङ्हिंन् तसि नर्गर ह्‍याब् भन्दा बरु डुँड तनाबिलेया खोंयोंइ आखाँबै छह् योंब क्हिए ल्हागिर छ्याँब तम्।

मर्कूस 9:45 ပူးပေါင်းရင်းမြစ်များ

मत्ती 18:8

“क्‍हिए यो अथवा प्‍हलेइ क्‍हिलाइ पाप लबर ल्हैदिम् बिस्‍याँ च थोसि भ्‍योंवाँन्। तलेबिस्याँ यो प्‍हले ङ्हिंना ङ्हिंन्‍ने नर्गर्बै मिर ह्‍याब् भन्दा बरु डुँड तसि खोंयोंइ आखाँबै छ्ह योंब क्‍हिए ल्हागिर बेल्‍ले छ्याँब ग।

मत्ती 5:22

दिलेया ङ क्‍हेमैंने बिमुँ, ह्रोंसए अलिने ह्रिस खबै म्हिइ दण्‍ड योंम्, धै ह्रोंसए अलिने म्हि आच्हिल्‍ले पोंबै म्हिइ थेबै म्हि च्होंए उँइँर रामा ज्वाफ पिंल् त्हुम्। छलेन ह्रोंसए अलिने ‘क्‍हि आमादु’ ग बिबै म्हि नर्गर्बै मिर फेल् त्हुब्मुँ।

मर्कूस 9:43

क्हिए योइ क्‍हि पापर च्होवाम् बिस्‍याँ च यो थोवाद्। यो ङ्हिंन ङ्हिंन् तसि नर्गर्बै मिर ह्‍याब् भन्दा बरु डुँड तनाबिलेया खोंयोंइ आखाँबै छह् योंब क्हिए ल्हागिर छ्याँब तम्।

मर्कूस 9:44

[चर्बै प्हुलुँ खोंयोंइ आसि, चर्बै मि या खोंयोंइ आसि।]

मर्कूस 9:46

[नर्गर्बै प्‍हुलुँइ म्‍हि चम्, चर्बै प्हुलुँ खोंयोंइ आसि, चर्बै मि या खोंयोंइ आसि।]