मर्कूस 9:41 - परमेश्‍वरए ताँ तमु क्युइर

⁴¹ झाइले खाबइ ‘चुम् येशू ख्रीष्‍टए म्‍हि ग’ बिसि क्‍हेमैं क्‍यु थुँल् पिंलेया, क्‍ह्रोंसेंन ङइ क्‍हेमैंने बिमुँ, च म्‍हिइ खैले बिलेन ह्रोंसइ योंल् त्‍हुबै इनाम योंब्मुँ।”

मर्कूस 9:41 ပူးပေါင်းရင်းမြစ်များ

मत्ती 10:42

‘चु म्‍हि येशूए म्‍हि ग,’ बिसि खाबज्यै ङए धाँसे च्‍योंबै चेलालाइ गिलाँस घ्रि ङ्युँबै क्‍यु मत्‍त्रे पिंनाबिले या चइ योंल् त्हुबै इनाम योंब्‍मुँ।”

मत्ती 25:40

“छबिमा म्रुँइ चमैंने बिब्मुँ, ‘क्ह्रोंसेंन ङ क्हेमैंने बिमुँ, क्हेमैंइ ङए अलि-अङाँमैं न्होंर्बै धाँसे च्योंबै म्हिलाइ तो-तो लइ, च क्हेमैंइ ङलाइन लब् ग।’

मर्कूस 4:10

च लिउँइँ येशू खी घ्रिन् मुँमा खीए ताँमैं थेबै कोइ म्‍हिमैं नेरो च्युसे ङ्हि चेलामैंइ अहानए बारेर ङ्योएइ।

रोमी 14:15

क्‍हिइ तो मुँले चबै सै चमा ह्रोंसए अलिलाइ सैं नल् लइबिस्‍याँ क्‍हिइ चलाइ म्हाँया आल। येशू ख्रीष्‍टजी ह्रोंसए ज्यु पिंसि च अलिलाइ जोगेमिंइ। छतसि च अलि क्‍हिइ चबै सैइ नास आतरिगे।

रोमी 8:9

दिलेया परमेश्‍वरए प्ल्ह क्‍ह्रोंसेंन्‍ले क्‍हेमैंने टिस्याँ क्‍हेमैं ओंसोंबै बानिए लिलि आप्र, बरु परमेश्‍वरए प्ल्हए लिलि प्रम्। येशू ख्रीष्‍टए प्ल्ह आरेबै म्‍हि ख्रीष्‍टल् आङिं।

१ कोरिन्थी 15:23

दिलेया ताँन् खें-खेंमैंए पलोर सोगों तम्। ख्रीष्‍ट बिस्याँ धाँसे ओंसों सोगों तइ, धै खी एयुबै त्हेर खीए फिर बिश्‍वास लब्मैं सोगों तब्‍मुँ।

१ कोरिन्थी 3:23

झाइले क्‍हेमैं ख्रीष्‍टल् ग, धै ख्रीष्‍ट परमेश्‍वरल् ग।

२ कोरिन्थी 10:7

क्‍हेमैंइ ह्रोंसए मिइ म्रोंबै सैमैं मत्‍त्रे ङ्ह्‍योम्। क्हेमैंए न्होंरि खाबज्यै या “ङ येशू ख्रीष्‍टए म्‍हि ग!” बिम् बिस्याँ च धोंलेन् ङि या ख्रीष्‍टए म्हिन् ग बिसि चइ क्होल् त्हुम्।

गलाती 3:29

छले क्‍हेमैं ख्रीष्‍टने घ्रिन् तबइले क्‍हेमैं अब्राहामए सन्‍तान ग। छतसि परमेश्‍वरजी अब्राहामने बाछा फैसि पिंम् बिबै आशिकए हकवालामैं क्‍हेमैंन् ग।

गलाती 5:24

येशू ख्रीष्‍टए म्हिमैंइ खेंमैंए सैंउँइँले खबै आछ्याँबै इच्छामैं नेरो आछ्याँबै केमैं येशूने प्रेन् क्रूसर च्योवासि नास लवाइमु।