मर्कूस 9:35 - परमेश्‍वरए ताँ तमु क्युइर

³⁵ झाइले येशू क्हुँसि च्युसे ङ्हिं चेलामैं खागु लसि चमैंने बिइ, “थेब तदा ङ्हाँबै म्‍हि, ताँन् भन्दा च्‍योंब् तसि ताँनए सेवा लल् त्‍हुम्।”

मर्कूस 9:35 ပူးပေါင်းရင်းမြစ်များ

हितोपदेश 13:10

थेब् प्हैंस्याँ प्होंगि मत्‍त्रे तम्, दिलेया सल्‍ला किंस्याँ ह्रब्-सेब् तम्।

मत्ती 23:11

क्‍हेमैं न्‍होंरि धाँसे थेबै म्हिइ क्हेमैंए सेवा लल् त्हुब्मुँ।

मर्कूस 9:36

झाइले खीजी कोलो घ्रि चेलामैंए म्‍हाँजोर पखसि च कोलो ख्वेसि चमैंने बिइ,

लूका 18:14

“ङ क्हेमैंने बिमुँ, च फरिसी भन्दा बालि रेबै म्‍हि परमेश्‍वरए उँइँर ठिक ठर्दिसि धिंर एह्‍याइ। तलेबिस्याँ तोगो च्योंने तसि कुरब्मैंलाइ परमेश्‍वरजी थेब लमिंब्मुँ। तोगो ङम् ङन् ग बिसि थेब् प्हैंब्मैं परमेश्‍वरजी कुरवाब्‍मुँ।”

लूका 22:26

दिलेया क्‍हेमैं न्‍होंरि छ तल् आत। क्‍हेमैं न्‍होंरि ताँन् भन्दा थेबै म्‍हि ताँन् भन्दा च्‍योंने तल् त्‍हुम्। धै चिबै के लबै म्हिइ अरूमैंए सेवा लल् त्‍हुम्।

याकूब 4:6

दिलेया खीजी अझै दयाम्हाँया लम्। छतसि परमेश्‍वरए छ्वेर छले बिइमुँ, “थेब् प्हैंब्मैंलाइ खीजी आखो, दिलेया च्योंने तब्मैंए फिर दयाम्हाँया लम्।”