मर्कूस 9:2 - परमेश्‍वरए ताँ तमु क्युइर

² येशूजी छ बिबै टुरो लिउँइँ खीजी पत्रुस, याकूब नेरो यूहन्‍ना बोसि नुबै कोंर म्हि आरेबै क्ल्ह्‍योर ह्‍याइ, चर चेलामैंइ येशूए क्हो फेर्दियाब् म्रोंइ।

मर्कूस 9:2 ပူးပေါင်းရင်းမြစ်များ

प्रस्थान 24:13

छबिमा मोशा नेरो चलाइ ल्होबै यहूशू रेसि परमेश्‍वरए पबित्र कोंर ह्‍याइ।

मत्ती 14:13

छले यूहन्‍ना सैवाइ बिबै ताँ थेबै लिउँइँ येशू खी घ्रिन् डुँङ्गार क्रेसि खाबै आरेबै क्‍ल्‍ह्‍योर ह्‍याइ। येशू ह्‍याइ रो बिब् थेसि नाँसउँइँले म्‍हिए हुल प्हलेइ प्रसि खीए लिलि ल्‍हैदिइ।

मर्कूस 14:33

बिसि पत्रुस, याकूब नेरो यूहन्‍ना खीने बालुन् बोइ। च्हमा खीए सैंर सैदिल् आखाँबै दुःख तसि बेल्‍ले आतिदिरिल।

मर्कूस 16:12

च लिउँइँ चेलामैं ङ्हिं यरूशलेमउँइँले नाँसउँइँ ह्‍यारिमा येशू चमैं ङाँर म्रोंखइ। च त्हेर येशूए रुप स्योन् ब्योंब् म्रोंइ।

मर्कूस 5:37

च्हौ बिसि खीजी पत्रुस, याकूब नेरो याकूबए अलि यूहन्‍ना बाहेक् अरू खाबलाज्यै खीने बालु ह्‍याल् आपिं।

लूका 6:12

च त्‍हेजरे येशू कोंर ह्‍यासि म्‍हुँइँसतिमि परमेश्‍वरने प्राथना लसि म्हुँइँस थोइ।

यूहन्‍ना 1:14

परमेश्‍वरए बचन म्हिए क्हो किंसि ङ्योए म्हाँजोर युसि टिइ। खी दयाम्हाँया मुँब नेरो कह्रोंसेंन्बै ताँ पोंमल खीए चारबै ह्‍वे ङिइ म्रोंइमुँ, च चारबै ह्‍वे परमेश्‍वर आबाउँइँले युबै घ्रि मत्‍त्रे च्‍हल् मुँल।

रोमी 12:2

चु ह्‍युलर्बै म्‍हिमैंइ लब् धोंबै आछ्याँबै केमैं क्‍हेमैंइ आलद्, बरु ह्रोंसए सैंर छारा तसि सैं न्होंउँइँले ओंनों छ्याँब तद्। छ तस्‍याँ मत्‍त्रे क्‍हेमैंइ परमेश्‍वरए इच्छा तो मुँ बिसि था सेल् खाँम्, अथवा तो सै स्‍वाब मुँ, तो सैइ परमेश्‍वरए सैं तोंन् लमना, तो सै छ्याँब मुँन बिसि क्‍हेमैंइ सेब्‍मुँ।

२ कोरिन्थी 13:1

तारे ङ सोंखेबै लार क्‍हेमैं ङाँर खसिन् मुँ। खाब् मुँलै म्हिए फिर तोइ दोष ल्हैदिस्याँ परमेश्‍वरए छ्वेर प्‍ह्रिब् धोंले, “म्‍हि ङ्हिं सोंइ बिबै ताँ क्ह्रिस्याँ मत्‍त्रे च ताँ पक्‍का तम्।”

फिलिप्पी 3:21

च त्हेर खीजी ङ्योए केर आफेबै ज्युलाइ खील् धों तबै ज्यु लमिंब्मुँ। खीजी खैले ताँन् सैमैं खीए न्होंर थेंल् खाँमुँ, छलेन ङ्योए केर आफेबै ज्यु या फेर्दिवासि खील् धों तबन् लमिंब्‍मुँ।

दर्शन 20:11

झाइले फोस्रे ब्योंबै थेबै राजगद्दि नेरो चर क्हुँबै परमेश्‍वर ङइ म्रोंइ। खीउँइँले पृथ्‍बी नेरो मु भौदियाइ, चमैंइ खनिरै क्ल्ह्‍यो आयों।