मर्कूस 9:19 - परमेश्‍वरए ताँ तमु क्युइर

¹⁹ झाइले येशूजी चमैंने बिइ, “च्या, क्‍हेमैं कति बिश्‍वास आलबै म्‍हिमैं मुँन! ङ क्‍हेमैंने कति समा टिल् त्‍हुम्? ङइ क्‍हेमैं खोंयों समा सैदिल् त्‍हुम्? च कोलो ङ ङाँर पउ।”

मर्कूस 9:19 ပူးပေါင်းရင်းမြစ်များ

भजनमैं 78:22

तलेबिस्याँ चमैंइ परमेश्‍वरए फिर बिश्‍वास आलल, खीजी जोगेमिंम् बिबै ताँर चमैंइ भर आथेंल।

मत्ती 17:17

येशूजी खीए चेलामैंने बिइ, “क्हेमैंम् कति बिश्‍वास आरेबै आच्योबै म्‍हिमैं मुँन! ङ खोंयों समा क्‍हेमैंने टिल् त्‍हुम्? ङइ खोंयों समा क्हेमैंलाइ सैदिरिब् जा? खोइ च कोलो चुर ङ ङाँर पउ।”

मर्कूस 16:14

च लिउँइँ खीए च्युसे घ्रि चेलामैं चब् चरिमा खी म्रोंखइ। चमैंइ बिश्‍वास आलब नेरो सारो सैं म्रोंसि खीजी चमैंलाइ बेल्‍ले हौदिइ। तलेबिस्याँ खी धबै सोगों तखइमुँ बिब्‍मैंए ताँ चमैंइ आक्वेंमल।

मर्कूस 9:18

मोंइ स्‍यामा ङए च्ह सर प्योवाम्, सुँउँइँले पिबि त्होंम्, धै स ह्रासि कित्रि मित्रि तयाम्। ङइ क्‍हिए चेलामैंने चु मों ल्‍हामिंन् बिसि यो छ्युँ लल। दिलेया चमैंइ ल्हाल् आखाँल।”

मर्कूस 9:20

चमैंइ च कोलो येशूए ङाँर पखइ। येशू म्रोंबै तोदोंन् च कोलो स्‍याबै मोंइ च कोलोलाइ स्याल म्हाल लसि सर प्योवामा कोलोए सुँउँइँले पिबि त्होंसि पटाँपटाँ तबर होंइ।

लूका 24:25

च लिउँइँ येशूजी चमैंने बिइ, “ओ, ताँ आक्होबै आम्हादुमैं! क्हेमैंए सैं खैले छले आक्होब् तयाल? अगमबक्‍तामैंइ बिबै ताँमैं तिफुँइ आक्वें वा!

लूका 9:41

येशूजी चमैंने बिइ, “ओ बिश्‍वास आरेबै आच्योबै म्हिमैं, ङ खोंयों समा क्‍हेमैंने तरिमुँ, धै क्‍हेमैंलाइ कति सैदिल् त्‍हुब् जा? क्‍हिए च्‍ह चुर पउ।”

यूहन्‍ना 12:27

“तोगो ङए सैं खैता-खैता ङ्हाँइमुँ। छतसि ङइ तो बिले? ‘ओ आबा, चु खबि छेबै दुःखउँइँले ङ जोगेमिंन्,’ बिब् उ? आङिं, तलेबिस्याँ चु दुःख नोबै ल्हागिर्न ङ चु ह्‍युलर युब् ग।

यूहन्‍ना 20:27

झाइले खीजी थोमाने बिइ, “योरि चुर झोंसि ङए योमैं ङ्‍ह्‍योद्। धै क्‍हिए यो ङए कोखरै झोंन्। संका आलल्‍ले बिश्‍वास लद्।”