मर्कूस 9:12 - परमेश्‍वरए ताँ तमु क्युइर

¹² येशूजी बिइ, “क्‍ह्रोंसेंन ख्रीष्‍ट युब् भन्दा ओंसोंन् एलिया युसि न्होंयाबै तोन्दोंरि सैमैं क्योंएँमिंम्। दिलेया म्हिए च्हजी बिस्याँ ल्‍हें दुःख सैदिल् त्‍हुब्मुँ, धै म्हि आच्हिन् तब्मुँ बिसि परमेश्‍वरए छ्वेर तले प्ह्रिइमुँ?

मर्कूस 9:12 ပူးပေါင်းရင်းမြစ်များ

भजनमैं 74:22

ओ परमेश्‍वर, रेत्ति, क्हिजी लबै केमैं आगुइ न्होह्रों लल् आपिंन्; आमादुमैंइ त्हिंतिमिन् क्हिलाइन प्ह्ररिमुँ, छतसि मैंन्!

मत्ती 16:21

च त्हे ओंनोंन् खीजी ह्रोंसए चेलामैंने ह्रोंसइ नोल् त्हुबै दुःखए बारेर बिबर होंइ। “ङ यरूशलेम ह्‍याल् त्हुम्, धै चिबनाँब्मैं, ख्रो पिंबै खेगि चिब्मैं नेरो शास्‍त्रिमैंउँइँले ल्हें दुःख योसि सिल् त्हुम्। दिलेया सोंरोंर ङ सोगों तसि खब्मुँ।”

मत्ती 26:24

परमेश्‍वरए छ्वेर प्‍ह्रिब् धोंले म्हिए च्ह सिलन् त्‍हुम्, दिलेया म्हिए च्ह क्हाल् पिंबै म्हिलाइ धिक्‍कार मुँ। च म्हि आफिस्याँ चए ल्हागिरि छ्याँब तमल।”

मर्कूस 10:33

“थेद्, ङ्यो तोगो यरूशलेमउँइँ ह्‍यारिइमुँ। चर फेनेसि म्हिए च्ह ख्रो पिंबै खेगि चिब्मैं नेरो शास्‍त्रिमैंए योर पिंवाब्मुँ। झाइले ङ सिल् त्‍हुबै दण्‍ड पिंल् त्हुम् बिसि चमैंइ अरू ह्रेंमैंए योर सैबर पिंवाब्‍मुँ।

मर्कूस 9:13

दिलेया ङ क्हेमैंने बिमुँ, एलिया युल् खाँइ, धै खीए बारेर परमेश्‍वरए छ्वेर प्‍ह्रिब् धोंले म्हिमैंइ तो लदा ङ्हाँमुँ चन् लइ।”

मर्कूस 9:31

तलेबिस्याँ खीजी ह्रोंसए चेलामैंने लोमिंबै तोंन् मुँल। खीजी चमैंने बिइ, म्हिए च्ह क्हासि म्‍हिमैंए योर पिंवाब्मुँ, धै चमैंइ खी सैवाब्‍मुँ, दिलेया सिबै सोंरो लिउँइँ धबै खी सोगों तसि खब्मुँ।

लूका 1:76

ओ ङए च्ह, क्‍हि ताँन् भन्दा थेबै अगमबक्‍ता तब्‍मुँ, तलेबिस्याँ परमेश्‍वरजी कुल्‍मिंबै म्रुँए ओंसों ह्‍यासि खीए ल्हागिर क्‍हिइ घ्‍याँ छ्याब्मुँ।

लूका 23:11

च लिउँइँ हेरोद नेरो चए सिपाइमैंइ येशूए आब्रु वासि बेल्‍ले बिल्‍लि लइ। च लिउँइँ म्रुँइ खिब् धों तबै क्‍वें येशूलाइ खिमिंसि पिलातस ङाँर एमिंइ।

लूका 23:39

च क्रूसर च्‍योवाबै आछ्याँबै के लबै म्हि घ्रिइ येशूए बिल्‍लि लदै बिइ, “क्‍हि परमेश्‍वजी कुल्मिंबै म्रुँ ख्रीष्‍ट आङिं वा? ङिंबन् ग बिस्‍याँ क्हिलाज्यै जोगेदु, ङिलाज्यै या जोगेमिंन्।”

चेला चिब्मैंए केमैं 1:6

छतसि कुल्मिंबै चेला चिब्मैं खागु तसि, “ओ प्रभु, क्‍हिजी तोगोन् इस्राएलर्बै ग्याल्स धबै बनेमिंम्मा?” बिसि खीने ङ्योएइ।

चेला चिब्मैंए केमैं 4:11

क्‍हेमैं गारा झोंब्‍मैंइ केर आत्हु बिबै युँमा चुन् येशू ग, दिलेया खी तोगो ताँन् भन्दा केर त्हुबै जगर्बै युँमा तखइमुँ।