मर्कूस 8:22 - परमेश्‍वरए ताँ तमु क्युइर

²² च लिउँइँ खेंमैं बेथसेदा बिबै क्‍ल्‍ह्‍योर फेखमा चर म्‍हिमैंइ मि आम्रोंबै म्हि घ्रि येशू ङाँर पखसि “चुए मि म्रोंबै ल्हागिर क्हिजी छुइमिंन्,” बिसि यो छ्युँ लइ।

मर्कूस 8:22 ပူးပေါင်းရင်းမြစ်များ

मत्ती 11:21

“ओ खोराजीनथेंमैं नेरो बेथसेदाथेंमैं! धिक्‍कार मुँ क्‍हेमैं, तलेबिस्याँ क्हेमैं ङाँर लब् धोंबै औदिबै केमैं टुरोस नेरो सिदोन सहरजरे लस्याँ चमैंइ स्योंमन् ह्रेंगा खिसि मेब्ब्रो फोसि खेंमैंइ लबै आछ्याँबै केमैं पिसि परमेश्‍वरउँइँ सैं एमल।

मत्ती 14:36

चमैंइ खीए क्वेंए ङो छुइल् पिंन् बिसि येशूने यो छ्युँ लइ, धै येशूए क्‍वें छुइब्मैं ताँन् सयाइ।

मत्ती 8:15

येशूजी चए यो छुइबै तोदोंन् जरइ च पिवाइ। धै च रेसि येशूए सेवा लइ।

मत्ती 8:3

छबिमा येशूजी यो स्‍योंसि च म्हिलाइ छुइदै बिइ, “ङइ क्हि सरिगे ङ्हाँइमुँ। सयाद्।” छ बिबै तोदोंन् च म्हिए कोर सयाइ।

मत्ती 9:29

झाइले येशूजी चमैंए मि छुइसि बिइ, “छ बिस्‍याँ क्‍हेमैंइ क्वेंब् धोंलेन् क्हेमैंलाइ तरिगे।”

मर्कूस 2:3

च त्हेर्न म्‍हि प्‍लिइ स्याले तबै म्‍हि घ्रि नोसि येशू ङाँर पखइ।

मर्कूस 3:10

तलेबिस्याँ खीजी ल्‍हें नबै म्‍हिमैं सल् लमिंल, छतसि नब् छब्मैंइ येशूलाइ छुइबै ल्हागिर क्हि खगा ङ खगा लरिल।

मर्कूस 6:45

म्हिमैंइ चल् खाँबै तोदोंन् येशूजी ह्रोंसए चेलामैं डुँङ्गार क्रेसि खेंमैं ह्‍याब् भन्दा ओंसोंन् तालए क्‍योंजा बेथसेदा बिबै क्‍ल्‍ह्‍योर कुलइ। छले कुलबै तोंर्न म्हिमैंलाज्यै या खेंमैंए धिंर कुलइ।

लूका 10:13

“धिक्‍कार मुँ खोराजीनथेंमैं! क्‍हेमैं बेल्‍ले सैं क्रोल् त्‍‍हुम्! धिक्‍कार मुँ बेथसेदाथेंमैं, क्‍हेमैं या बेल्‍ले सैं क्रोल् त्‍‍हुम्! तलेबिस्याँ क्‍हेमैंए नाँसजरे तब् धोंबै परमेश्‍वरए शक्‍तिए केमैं टुरोस नेरो सिदोनर तस्‍याँ चर्बै म्‍हिमैं स्‍योंमन् ह्रेंगा खिसि मेब्रो फिर क्हुँसि खेंमैंए आछ्याँबै बानि पिसि परमेश्‍वरउँइँ सैं एमल।

लूका 9:10

कुल्मिंबै चेला चिब्मैं एखसि खेंमैंइ लबै केमैं ताँन् यशूने बिइ। झाइले येशूजी चमैं बोसि बेथसेदा बिबै नाँसर म्‍हिमैंइ आसेल्‍ले ह्‍याइ।

यूहन्‍ना 1:44

अन्‍द्रियास नेरो पत्रुस धोंलेन् फिलिपै या बेथसेदाथें मुँल।

यूहन्‍ना 12:21

चमैंइ गालीलर्बै बेथसेदाथें फिलिप ङाँर खसि “ओ चिब, ङि येशूने त्होदा ङ्हाँइमुँ,” बिसि यो छ्युँ लइ।