मर्कूस 8:12 - परमेश्‍वरए ताँ तमु क्युइर

¹² दिलेया खीए सैं नसि येशूजी बिइ, “तिंजोरोबै म्‍हिमैंइ तले औदिबै चिनु म्‍हैम्? क्‍ह्रोंसेंन् ङ क्‍हेमैंने बिमुँ, तिंजोरोबै म्हिमैंलाइ ङइ तोइ चिनु उँइँरिब् आरे।”

मर्कूस 8:12 ပူးပေါင်းရင်းမြစ်များ

मत्ती 12:38

को-कोइ शास्‍त्रिमैं नेरो फरिसीमैंइ येशूने बिइ, “ओ गुरु, क्हिउँइँले ङि औदिबै चिनु घ्रि ङ्‍ह्‍योदा ङ्हाँइमुँ।”

मत्ती 16:4

तिंजोरोबै दुष्‍ट नेरो ब्यभिचारि म्हिमैंइ चिनु म्हैम्, दिलेया योनाए चिनु बाहेक् अरू चिनुमैं चमैंने उँइँरिब् आरे।” च्हौ बिसि खी चमैं वाथेंसि ह्‍याइ।

मर्कूस 3:5

च म्‍हिमैंए छाबै सारो सैं म्रोंसि येशूए सैं नसि ह्रिस खइ। धै चर खागु तबै म्हिमैं ङाँइ ङ्‌ह्‍योसि च नबै म्‍हिने “क्‍हिए यो स्‍योंन्!” बिमा च म्‍हिइ यो स्‍योंइ। धै स्योंबै तोदोंन् चए यो सयाइ।

मर्कूस 6:6

चमैंइ खीए फिर बिश्‍वास आलब् म्रोंसि येशू प्लेटोयाइ। झाइले येशू च जरेबै नाँसजरे परमेश्‍वरए ताँ लोमिंदै प्रइ।

मर्कूस 7:34

झाइले येशूजी मुउँइँ ङ्‌ह्‍योसि ह्रिंग्‍यो सो सेंसि चने “इफ्‍फाता” बिइ। (छ बिब “थोंयाँन्” बिब् ग।)

मर्कूस 8:13

छ बिसि येशू चमैं वाथेंसि डुँङ्गार क्रेसि धबै तालए क्‍योंजा ह्‍याइ।

मर्कूस 9:19

झाइले येशूजी चमैंने बिइ, “च्या, क्‍हेमैं कति बिश्‍वास आलबै म्‍हिमैं मुँन! ङ क्‍हेमैंने कति समा टिल् त्‍हुम्? ङइ क्‍हेमैं खोंयों समा सैदिल् त्‍हुम्? च कोलो ङ ङाँर पउ।”

लूका 19:41

येशू यरूशलेम सहर चेंदो फेखमा। च सहर म्रोंसि खी सैं नसि क्रोइ।