मर्कूस 7:4 - परमेश्‍वरए ताँ तमु क्युइर

⁴ झाइले बजारउँइँले खमा ह्रोंस आख्रुन् समा चमैंइ तोइ आचमल। धै थलि प्‍हेला भाँडमैं आम्‍यान् समा ह्‍योब् तेब आलबै छ्या मुँल।

मर्कूस 7:4 ပူးပေါင်းရင်းမြစ်များ

भजनमैं 26:6

ओ याहवेह, ङए योइ छ्याब् खबै केमैं तोइ आलइमुँ; छतसि क्हिए मिंर ख्रो पिंबै क्ल्ह्‍योर क्हिए मिं क्वेदै ङ प्रम्।

मत्ती 23:25

“धिक्‍कार मुँ, शास्‍त्रिमैं नेरो फरिसीमैं क्‍हेमैं फिब्लो पार्दिब्मैं! क्‍हेमैंइ थलि नेरो प्‍हेलाए बैरु म्‍यासि ख्रुमुँ, दिलेया थलि नेरो प्‍हेलाए न्होंर बिस्याँ लुडिइ पखबै सैंमैंइ प्‍लिंमुँ।

मत्ती 23:26

ओ कन फरिसीमैं, ओंसों थलि नेरो प्‍हेलाए न्‍होंउँइँ म्यासि ख्रुद्, छलस्याँ बैरु या छ्याब तब्‍मुँ।

मत्ती 27:24

ह्रोंसइ तोइ लल् आखाँब् म्रोंसि झन् खैला-बैला तम् उ बिब् मैंसि चइ म्‍हिमैंए उँइँर क्‍युइ यो ख्रुसि बिइ, “छबिस्याँ चु म्‍हि सैबै छ्याब् ङए फिर आल्‍हैदिरिगे। चलाइ सैबै पापए छ्याब् क्‍हेमैंए फिर्न खरिगे।”

मर्कूस 7:8

क्हेमैंइ परमेश्‍वरए ताँमैं स्योवासि म्हिमैंइ लथेंबै छ्या म्हाँदिम्।”

यूहन्‍ना 2:6

यहूदीमैंए छ्यार चोखो तबै ल्हागिरि क्यु ल्हें चैदिमल। छतसि प्र लिटरदे क्यु त्हेबै युँमाए कुँइँडि टुग्लो चर थेंल।

यूहन्‍ना 3:25

च त्हेर्न यूहन्‍नाए चेलामैं यहूदी घ्रिने क्‍युइ ख्रुसि चोखो तबै बारेर छलफल तइ।

हिब्रू 9:10

तलेबिस्याँ चु सैमैं ताँन् चब्, थुँबै ल्हागिर नेरो ज्यु ख्रुसि चोखो लबै रोसमैं मत्त्रे ग। परमेश्‍वरउँइँले अर्को छारा ठिम आयुन् समा चु रोसमैंइ ज्युए ल्हागिर मत्‍त्रे के लम्।

याकूब 4:8

क्हेमैंए सैं परमेश्‍वर ङाँइ एद्, झाइले परमेश्‍वरै या क्‍हेमैं ङाँर खब्‍मुँ। ओ पापिमैं! आछ्याँबै के लब् पिसि छ्याँबै के लद्। सैं ङ्हिंरि लब्मैं! क्हेमैंए सैं छ्याँब लद्।

१ यूहन्‍ना 1:7

दिलेया येशू धोंले ङ्यो परमेश्‍वरए चारबै ह्‍वेर प्रइबिस्‍याँ ङ्योए सैं क्ह्रिसि ङ्योइ घ्रिइ-घ्रिने म्हाँया लमुँ, धै परमेश्‍वरए च्‍ह येशूए कोजी ङ्योए पाप ताँन् ख्रुमिंम्।