मर्कूस 7:28 - परमेश्‍वरए ताँ तमु क्युइर

²⁸ झाइले च च्हमिरिइ येशूने बिइ, “ओ प्रभु, धिंर्बै नगिमैं या कोलोमैंइ वाथेंबै चबै सैमैं चल् योंम्।”

मर्कूस 7:28 ပူးပေါင်းရင်းမြစ်များ

भजनमैं 145:16

क्हिजी यो प्ल्हसि तोन्दोंरि सै पिंमुँ; धै ताँन् सो प्ह्‍याबै सैमैंए सैंर मैंब योमिंब्मुँ।

मत्ती 15:27

च च्हमिरि बिइ, “अँ प्रभु, चु ताँ क्ह्रोसेंन् ग। दिलेया नगिमैंज्यै या ह्रोंसए क्‍ल्‍हेइ चमा तेयाबै फाँ फुँमैं चम्।”

मत्ती 5:45

छ लस्‍याँ मत्‍त्रे क्‍हेमैं स्‍वर्गर टिबै आबाए सन्‍तान तब्‍मुँ। तलेबिस्याँ परमेश्‍वरजी दुष्‍ट म्हिमैं नेरो छ्याँब् लब्मैं ङ्हिंना-ङ्हिंनए फिर त्‍हिंयाँ प्रेमिंमुँ, धै धर्मि नेरो पापिमैं ङ्हिंना ङ्हिंनए ल्हागिर नाँ युमिंइमुँ।

मर्कूस 7:27

येशूजी च च्हमिरिने अहान् झोंसि बिइ, “ओंसों कोलोमैं म्रेंल् पिंन्, तलेबिस्याँ कोलोमैंए चबै सै नगिमैं पिंब ठिक आत।”

मर्कूस 7:29

येशूजी चने बिइ, “क्हिइ छ बिसेरो तोइ आङ्हाँन्ले ह्रोंसए धिंर ह्‍याद्। क्‍हिए च्हमिउँइँले मों त्‍होंह्‍याइ।”

रोमी 10:12

तलेबिस्याँ यहूदी नेरो अरू ह्रेंमैंए न्‍होंरि खाबै या स्यो आरे। घ्रि मत्‍त्रेन् परमेश्‍वर ताँनए प्रभु ग। खीने प्राथना लब्‍मैं ताँनए फिर खीजी आशिक पिंम्।

रोमी 3:29

परमेश्‍वर यहूदीमैंए परमेश्‍वर मत्‍त्रे आङिं। अरू ह्रेंमैंलैया परमेश्‍वर ग।

एफिसी 3:8

ङ परमेश्‍वरए म्‍हिमैं न्‍होंरि ताँन् भन्दा च्‍योंब मुँनबिलेया ख्रीष्‍टने घ्रिन् तसि खोंयोंइ आखाँबै सै न्होरए बारेर अरू ह्रेंमैंने बिप्रबै मौका ङलाइ पिंइ।