मर्कूस 7:26 - परमेश्‍वरए ताँ तमु क्युइर

²⁶ च च्हमिरि यहूदीस्यो आङिंल, सिरिया ह्‍युलर्बै फोनिसियाथेंस्यो मुँल। “ङए च्हमि स्याबै मों ल्हामिंन्,” बिसि चइ येशूने यो छ्युँ लइ।

मर्कूस 7:26 ပူးပေါင်းရင်းမြစ်များ

मत्ती 15:22

च क्‍ल्‍ह्‍योउँइँले कनान ह्रेंर्बै च्हमिरि घ्रि ओरदै खसि येशूने बिइ, “ओ प्रभु, दाऊदए च्ह, ङए फिर ल्हयो खमिंन्। ङए च्हमि मोंइ स्यासि बेल्‍ले ह्रुगुदिइमुँ।”

मत्ती 4:24

छले सिरिया ह्‍युल तिगोंन् येशूजी लबै औदिबै केमैंए बयन थेनेइ। छतमा म्‍हिमैंइ ननाओलिबै नब्‍मैं, मोंइ स्‍याब्‍मैं, र बेथाइ स्याब्‍मैं, स्याले बेथाइ स्याब्‍मैं ताँन् म्हिमैंइ खी ङाँर पखइ, धै खीजी चमैं ताँन् सल् लमिंमल।

मर्कूस 7:25

येशू चर मुँ बिब च्हमिरि घ्रिइ था सेइ। चए च्हमि मोंइ स्‍याल। छतसि च येशू ङाँर खसि खीए प्‍हले फ्‍योइ।

मर्कूस 7:27

येशूजी च च्हमिरिने अहान् झोंसि बिइ, “ओंसों कोलोमैं म्रेंल् पिंन्, तलेबिस्याँ कोलोमैंए चबै सै नगिमैं पिंब ठिक आत।”

गलाती 3:28

छतसि ङ्यो न्होंर खाबै या तोइ सैरैया फरक आरे - यहूदीमैं मुँलेया, अरू ह्रेंमैं मुँलेया, केब्छैं ङिंलेया केब्छैं आङिंलेया, मुँयुँ मुँलेया च्हमिरि मुँलेया, तोइ फरक आरे। तलेबिस्याँ क्‍हेमैं ख्रीष्‍ट येशूने घ्रिन् तसि ताँन् घ्रिन् तइमुँ।

कलस्सी 3:11

छतसि ताँन् म्‍हिमैं घ्रिन् तइमुँ। यहूदीमैं मुँलेया, अरू ह्रेंमैं मुँलेया, ज्युर चिनु ललेया आललेया, आखेब्‍मैं, तोइ आह्रब्मैं मुँलेया, केब्छैंमैं ङिंलेया आङिंलेया, तो मुँलेया, च ताँन् परमेश्‍वरए उँइँर तोइ फरक आरे। ङ्योलाइ चैदिबै सै ख्रीष्‍ट मत्‍त्रे ग, धै ताँन् म्‍हिए सैं न्‍होंर ख्रीष्‍ट टिम्।