मर्कूस 7:24 - परमेश्‍वरए ताँ तमु क्युइर

²⁴ च लिउँइँ येशू च क्‍ल्‍ह्‍यो वाथेंसि टुरोस नेरो सीडोन बिबै सहरउँइँ ह्‍यासि धिं घ्रिर होंइ। खी चर मुँ बिसि खाबज्‍यै था आसेरिगे बिब् येशूए सैं मुँल। दिलेया म्‍हिमैंइ था आसेल्‍ले येशू टिल् आखाँल।

मर्कूस 7:24 ပူးပေါင်းရင်းမြစ်များ

उत्पत्ति 10:15

कनानइ ह्रोंसए च्ह थेब सिदोन नेरो हेत योंइ।

उत्पत्ति 10:19

छतसि कनान ह्‍युलए साँदा सिदोनउँइँले न्हुउँइँ (दक्षिणउँइँ) गरार ह्‍याबै घ्याँउँइँ गाजा समा धै सदोम, गमोरा, अदमा नेरो सबोयिम ह्‍याबै घ्याँउँइँ तसि लाशा समा मुँल।

उत्पत्ति 49:13

“जबूलूनए टिबै क्ल्ह्‍यो मा ङ्युँइए रेर तब्मुँ, च क्यु झाजमैं टिबै क्ल्ह्‍यो तब्मुँ। धै चए साँदा सिदोन समा तब्मुँ।

मत्ती 11:21

“ओ खोराजीनथेंमैं नेरो बेथसेदाथेंमैं! धिक्‍कार मुँ क्‍हेमैं, तलेबिस्याँ क्हेमैं ङाँर लब् धोंबै औदिबै केमैं टुरोस नेरो सिदोन सहरजरे लस्याँ चमैंइ स्योंमन् ह्रेंगा खिसि मेब्ब्रो फोसि खेंमैंइ लबै आछ्याँबै केमैं पिसि परमेश्‍वरउँइँ सैं एमल।

मत्ती 9:28

खी धिं न्‍होंर होंबै लिउँइँ च कनमैं ङ्हिं येशू ङाँर्न खइ। धै येशूजी चमैंने “ङइ क्हेमैंए मि म्रोंल् लमिंल् खाँम् बिसि क्हेमैंइ क्वेंम्मा?” चमैंइ “ओं, गुरु, ङिइ क्वेंम्,” बिइ।

मर्कूस 2:1

दे त्हिंइ लिउँइँ येशू धबै कफर्नहुमर एखइ। छतमा खी धिंर्न मुँ बिब चर्बै म्हिमैंइ सेइ।

मर्कूस 7:23

छाबै पाप खबै ताँमैं ताँन् सैं न्‍होंउँइँले त्‍होंम्, धै म्हिलाइ पाप खल् लवाम्।”

मर्कूस 7:25

येशू चर मुँ बिब च्हमिरि घ्रिइ था सेइ। चए च्हमि मोंइ स्‍याल। छतसि च येशू ङाँर खसि खीए प्‍हले फ्‍योइ।

मर्कूस 7:31

झाइले येशू टुरोस सहरउँइँले त्‍होंसि सीडोन बिबै क्‍ल्‍ह्‍योर खइ। धै डिकापोलिस बिबै ह्‍युलए घ्‍याँउँइँले गालील तालर एखइ।

१ तिमोथी 5:25

छलेन छ्याँबै केमैं या छर्लङ्गन् म्रोंम्, छर्लङ्गन् म्रोंल् आखाँबै सै तोइ मुँलेया च खोंयोंन् बिलै लोइ टिल् आखाँ, तिंगें च खैलसे या त्होंयाम् धै ताँनइ म्रोंम्।