मर्कूस 7:21 - परमेश्‍वरए ताँ तमु क्युइर

²¹ तलेबिस्याँ म्हिमैंए सैंउँइँले आछ्याँबै ताँमैं मैंब, ब्यभिचार लब, ह्‍योब, म्‍हि सैब, रण्डिबाजी लब,

मर्कूस 7:21 ပူးပေါင်းရင်းမြစ်များ

उत्पत्ति 6:5

पृथ्बीरि म्हिमैंइ ल्हें आछ्याँबै केमैं लब्रें लइ। धै खोंयोंन् बिलै चमैंइ आछ्याँबै ताँमैं मत्‍त्रे मैंरिब याहवेहजी म्रोंइ।

उत्पत्ति 8:21

याहवेहजी ख्रोए लिंबै थाँ किंबै लिउँइँ ह्रोंसए सैंर बिइ, “म्हिए सैंर्बै ताँमैं कोलो ओंनोंन् आछ्याँब तलेया म्हिइ लबै केउँइँले तारे ङइ खोंयोंइ पृथ्बीलाइ सराप पिंरिब् आरे। तोगो ङइ नास लब् धोंले सो प्ह्‍याबै ताँन् सैमैं धबै ङ नास लरिब् आरे।”

भजनमैं 119:36

ङए सैंर तोइ सैलैया लोब् आखरिगे बिसि ङए सैंर क्हिए बिबै ताँमैं थेंमिंन्।

भजनमैं 14:1

आमादुमैंइ ह्रोंसए सैंर “परमेश्‍वर आरे!” बिमुँ। चमैंइ छेरन् ङ्हाँबै केमैं लमुँ, चमैं छेरन् ङ्हाँन् तब्मैं मुँ; छ्याँबै के लब्मैं खाबै आरे।

भजनमैं 14:3

चमैं ताँन् आछ्याँबै घ्याउँइँ प्रइमुँ, धै चमैं ताँन् छेरन् ङ्हाँन् तयाइमुँ। खाबज्यै छ्याँबै के आल, छ्याँबै के लब्मैं घ्रि या आरे।

भजनमैं 53:1

आमादुमैंइ ह्रोंसए सैंर “परमेश्‍वर आरे!” बिमुँ। चमैंइ आछ्याँबै केमैं लमुँ, चमैं छेरन् ङ्हाँन् तब्मैं मुँ; छ्याँबै के लब्मैं खाबै आरे।

भजनमैं 53:3

चमैं ताँन् आछ्याँबै घ्याउँइँ प्रयाइ, धै चमैं ताँन् छेरन् ङ्हाँन् तयाइमुँ। खाबज्यै छ्याँबै के आल, छ्याँबै के लब्मैं घ्रि या आरे।

हितोपदेश 15:25

थेब् प्हैंबै म्हिए धिं याहवेहजी फुवाम्, दिलेया म्हरेस्योमैंए साँद खीजी जोगेमिंम्।

हितोपदेश 4:23

ह्रोंसए सैंर आछ्याँबै ताँमैं आमैंन्, तलेबिस्याँ क्हिए सैंइ मैंबै ताँमैंन् क्हिए छ्हर तम्।

मत्ती 15:19

तलेबिस्याँ म्‍हिए सैंउँइँलेन् आछ्याँब सैं मैंम्। चु आछ्याँब सैंइ लमा चइ म्‍हि सैब, आगुए प्ह्रेंस्यो प्रब, ब्यभिचार लब, आगुए सै न्होर ह्‍योब, स्‍योर तेब, धै फ्रम्दा क्योम्दा लब छाबै पापमैं लम्।

मत्ती 9:4

चमैंए सैंर्बै ताँ सेसि येशूजी चमैंने बिइ, “क्हेमैंए सैं न्होंर छाबै आछ्याँबै ताँमैं तले मैंल?

मर्कूस 7:20

येशूजी धबै बिइ, “म्हिए सैं न्होंउँइँले त्होंबै आछ्याँबै ताँइ मत्‍त्रे म्‍हि पाप खल् लवाम्।

मर्कूस 7:22

लोब लब, स्‍योर तेब, खैच्हिजिले पोंब, ख्रे लब, थेब् प्‍हैंब, आमादु तब,

लूका 16:15

धबै येशूजी चमैंने बिइ, “क्‍हेमैं म्‍हिमैंए उँइँरि ‘ङ छ्याँब धर्मि म्‍हि ग’ बिसि थेब प्‍हैंम्। दिलेया क्हेमैंए सैं न्होंर तो मुँ बिसि परमेश्‍वरजी सेम्। म्‍हिमैंए सैंर थेब ङ्हाँबै सै परमेश्‍वरए उँइँर तोइ आङिंबै सै ग।

चेला चिब्मैंए केमैं 5:4

च क्ल्ह्‍यो आचुँन् समा क्हिल्‍नाँ आङिंल् रो वा? धै च क्ल्ह्‍यो चुँसि योंबै मुइ या क्हिल्‍नाँ आङिं वा? छाबै के लबै सैं क्हिए खोंर खैले खइ? क्हिइ म्हिमैंने आङिं परमेश्‍व‍रने स्योर तेइमुँ।”

चेला चिब्मैंए केमैं 8:22

छतसि क्हिइ ह्रोंसए चु दुष्‍ट केउँइँले सैं एद् धै प्रभुने प्राथना लद्, छलस्याँ क्हिइ मैंबै आछ्याँबै ताँमैं क्षमा योंलै।

रोमी 7:5

ओंसों ङ्यो पाप लदै छ्ह थोरिल, छतसि कालए सुँर फेनेबै आछ्याँबै केमैं लबर ठिमइ भों पिंसि पाप लदा ङ्हाँबै सैं खसि ङ्योइ ज्युर आछ्याँबै के लमल।

रोमी 7:8

दिलेया ठिमइ “लोब आलद्” बिबइले ङए आछ्याँबै इच्‍छाइ मौका च्ह्‍यासि ङए सैंइ ल्हें खालर्बै लोब खल् पिंमल, तलेबिस्याँ ठिम आरेबै त्हेर आछ्याँबै केमैं ललेया ङइ आछ्याँबै के लइ बिसि ङइ आसेमल।

कलस्सी 3:5

छतसि क्‍हेमैं ह्‍युलर्बै सैजरे सैं आह्‍याद्: फ्रें क्ल्योंब नेरो रण्डिबाजी लसि फोहोरी के आलद्, छाडा आतद्, दुष्‍ट सैं आप्ह्‍याब नेरो लोब आलद्। लोब लबम् कु पूजा लब् धों तब् ग।

तीतस 3:3

तलेबिस्याँ ओंसों ङ्योइ या आमादु, बिब आङिंब, आतबै केर प्रब, सयल लब, आगुए फिर ह्रिस लब, आगुइ ङ्योलाइ हेल लमल, ङ्योज्यै या अरूलाइ हेल लमल।

याकूब 2:4

तो क्हेमैंइ ह्रोंसए न्‍होंर्न फेलब नेरो आछ्याँबै सैं प्ह्‍याबै म्हिमैं धों तइ आङिं वा?