मर्कूस 6:56 - परमेश्‍वरए ताँ तमु क्युइर

⁵⁶ खी नाँसजरे ख-खनर ह्‍यामुँ च-चर्न म्‍हिमैंइ नबै म्‍हिमैं घ्याँ-घ्याँर्न पखसि थेंमिंमल, धै “क्‍हिए क्वेंए ङो मत्‍त्रे छुइल् पिंन्” बिसि नबै म्हिमैंइ येशूने यो छ्युँ लइ, धै येशूए क्‍वें छुइब्मैं ताँन् सयाइ।

मर्कूस 6:56 ပူးပေါင်းရင်းမြစ်များ

मत्ती 14:36

चमैंइ खीए क्वेंए ङो छुइल् पिंन् बिसि येशूने यो छ्युँ लइ, धै येशूए क्‍वें छुइब्मैं ताँन् सयाइ।

मत्ती 9:20

छले ह्‍यारिमा च त्हेर्न च्युसे ङ्हिदि समा को त्हसि नबै च्हमिरि घ्रिइ येशूए लिउँइँले खसि खीए क्‍वेंए ङोर छुइ।

मर्कूस 3:10

तलेबिस्याँ खीजी ल्‍हें नबै म्‍हिमैं सल् लमिंल, छतसि नब् छब्मैंइ येशूलाइ छुइबै ल्हागिर क्हि खगा ङ खगा लरिल।

मर्कूस 6:55

छतसि चमैं च जरेबै ह्‍युलजरे न्हेह्‍यासि नबै म्हिमैं रोबै क्ल्ह्‍योनेन् येशू मुँबै क्ल्ह्‍योर पखबर होंइ।

लूका 22:51

दिलेया येशूजी “तै मुँरिगे! छ आलद्!” बिसि खीजी च के लबै म्हिए न्‍ह छुइसि सल् लमिंइ।

लूका 6:19

ताँन् म्‍हिमैंइ येशूलाइ छुइल् म्‍हैमल, तलेबिस्याँ येशूउँइँले शक्‍ति त्होंरिल। छतमा चमैं ताँन् सल् लमल।

लूका 8:44

च च्हमिरिइ येशूए लिउँइँले खसि येशूए क्‍वेंए ङोर छुइबै तोदोंन् चए को त्हब टि‍याइ।

चेला चिब्मैंए केमैं 4:12

अरू खाबज्यै मुक्‍ति पिंल् आखाँ तलेबिस्याँ ङ्योइ मुक्‍ति योंबर स्वर्गए न्होंरि म्हिमैंए ल्हागिर अरू खाबै मिं या परमेश्‍वरजी आपिंइँमुँ।”

चेला चिब्मैंए केमैं 4:9

तिंयाँ ङिइ डुँड् म्हि सल् लमिंमा खैले सल् लमिंइ बिसि ङ्योएम् बिस्याँ,

चेला चिब्मैंए केमैं 5:15

छतसि पत्रुस खमा चए छरि मत्‍त्रे मुँलेया चमैंए न्होंर्बै को-कोए फिर फेरिगे बिसि म्हिमैंइ घ्याँ-घ्याँर्न नब्मैं क्ल्ह्‍यो नेरो खाटर रोथेंमल।