मर्कूस 6:52 - परमेश्‍वरए ताँ तमु क्युइर

⁵² तलेबिस्याँ खीजी क्‍हें ङ्‍हपो नेरो ताँग ङ्हिंउँइँले हजार ङ्‌ह म्हिमैं चल् पिंब म्रोंलेया “येशू खैबै म्हि मुँगे” बिसि चमैंइ अझै आक्‍होल, तलेबिस्याँ चमैंए सैं सारो तल।

मर्कूस 6:52 ပူးပေါင်းရင်းမြစ်များ

मर्कूस 16:14

च लिउँइँ खीए च्युसे घ्रि चेलामैं चब् चरिमा खी म्रोंखइ। चमैंइ बिश्‍वास आलब नेरो सारो सैं म्रोंसि खीजी चमैंलाइ बेल्‍ले हौदिइ। तलेबिस्याँ खी धबै सोगों तखइमुँ बिब्‍मैंए ताँ चमैंइ आक्वेंमल।

मर्कूस 3:5

च म्‍हिमैंए छाबै सारो सैं म्रोंसि येशूए सैं नसि ह्रिस खइ। धै चर खागु तबै म्हिमैं ङाँइ ङ्‌ह्‍योसि च नबै म्‍हिने “क्‍हिए यो स्‍योंन्!” बिमा च म्‍हिइ यो स्‍योंइ। धै स्योंबै तोदोंन् चए यो सयाइ।

मर्कूस 7:18

येशूजी चमैंने बिइ, “क्‍हेमैंज्यै या अझै आक्‍होइमुँ वा? सुँउँइँले म्‍हिए फो न्‍होंर होंबै सैइ पापर च्होल् आखाँ बिसि क्हेमैइ आसेइमुँ वा?

लूका 24:25

च लिउँइँ येशूजी चमैंने बिइ, “ओ, ताँ आक्होबै आम्हादुमैं! क्हेमैंए सैं खैले छले आक्होब् तयाल? अगमबक्‍तामैंइ बिबै ताँमैं तिफुँइ आक्वें वा!

यूहन्‍ना 12:40

ङइ चमैंलाइ सल् लमिंल् आत्हुरिगे बिसि चमैंए मिइ आम्रोंरिगे, खोंइ आक्होरिगे, धै चमैं सैं एसि ङ ङाँर आखरिगे बिसि ङइ चमैंए मि म्रोंल् आखाँब् लमिंइँमुँ, धै चमैंए खों सारो लमिंइँमुँ, बिसि परमेश्‍वरजी बिइमुँ।

रोमी 11:7

छ बिस्‍याँ चु ताँए अर्थ तो तइ दि? खेंमैंइ म्‍हैबै मुक्‍ति ताँन् यहूदीमैंइ आयों। दिलेया परमेश्‍वरजी त्‍हाँबै यहूदीमैंइ मत्‍त्रे मुक्‍ति योंइ। अरू चैबै यहूदीमैंए सैं सारो तइ।