42 झाइले ताँनइ बेल्ले म्रेंन्ले चइ।
झाइले येशूजी च क्हें ङ्हपो नेरो ताँग ङ्हिं किंसि मुउँइँ ङ्ह्योसि परमेश्वरलाइ धन्यबाद पिंइ। धै च क्हें लुँसि “म्हिमैं चुमिंन्,” बिसि चेलामैंने पिंइ। छलेन खीजी ताँग ङ्हिं या ताँनलाइ चुमिंइ।
म्हिमैंइ चल् आखाँसि ङैबै क्हें लुँठेमैं चेलामैंइ खुमा च्युसे ङ्हिं ट्हलो तल।
झाइले चेलामैंइ क्हें चुमिंइ, धै चमैं ताँनइ म्रेंन्ले चसेया ङैबै क्हें लुँठेमैं च्युसे ङ्हिं ट्हलो चेलामैंइ खुइ।
चमैं म्रेंल् खाँबै लिउँइँ येशूजी चेलामैंने बिइ, “चसि ङैंबै क्हें लुँठेमैं खेरो आह्यानले खागु लद्।”
