मर्कूस 6:36 - परमेश्‍वरए ताँ तमु क्युइर

³⁶ छतसि चुमैं ह्‍याल् पिंन्। चुमैं छाइ छुइबै नाँसजरे ह्‍यासि चबै सैमैं किंसि चरिगे।”

मर्कूस 6:36 ပူးပေါင်းရင်းမြစ်များ

मत्ती 15:23

दिलेया येशूजी चने तोइ ज्वाफ आपिं। छतमा खीए चेलामैं खसि यो छ्युँ लसि च च्हमिरि ओरदै ङ्योए लिलि खरिइमुँ “च च्हमिरि कुल्मिंन्,” बिइ।

मत्ती 16:22

छबिमा पत्रुसइ येशूलाइ तिराइ बोसि “परमेश्‍वरजी क्हिए फिरि खोंयोंइ छ तल् पिंरिब् आरे प्रभु,” बिसि हौदिबर होंइ।

मर्कूस 3:21

चु ताँ थेसि येशूए परवाइ खी किंबर खइ, तलेबिस्याँ म्हिमैंइ “येशूए सैं क्ल्ह्‍योर आरे” बिमल।

मर्कूस 5:31

च्हमा येशूए चेलामैंइ खीने बिइ, “च्‍हौ ल्हें म्हि ह्रोंसने थुरब सेनासेन्, ‘ङलाइ खाबइ छुइ’ बिसि ङ्योएब् वा?”

मर्कूस 6:35

ङेसा तबि छेमा चेलामैं येशू ङाँर खसि बिइ, “चु खाबइ आरेबै क्‍ल्‍ह्‍यो ग। धै म्‍हुँइँसै या तबि छेइ।

मर्कूस 6:37

दिलेया येशूजी चमैंने बिइ, “क्‍हेमैंइन चमैंलाइ चल् पिंन्।” छबिमा चेलामैंइ येशूने बिइ, “ङि ह्‍यासि म्हैंन प्रेल्बै नोंसैए क्‍हें किंइ पखसि चुमैं चल् पिंले वा?”