मर्कूस 6:34 - परमेश्‍वरए ताँ तमु क्युइर

³⁴ येशू तालए छेउर फेसि डुँङ्गाउँइँले त्‍होंमा ल्हें म्हि म्रोंइ। चमैं म्रोंसि खीए सैंर ल्‍हयो खइ तलेबिस्याँ चमैं प्ह्रोंछैं आरेबै क्‍युमैं धोंन् तरिल। छतसि येशूजी चमैंलाइ ल्‍हें ताँमैं लोमिंबर होंइ।

मर्कूस 6:34 ပူးပေါင်းရင်းမြစ်များ

मत्ती 14:14

येशू तालए छेउर फेमा च म्हिए हुल म्रोंसि खीए सैंर बेल्‍ले ल्हयो खइ। धै चमैं न्‍होंर्बै ताँन् नब्मैं सल् लमिंइ।

मत्ती 15:32

येशूजी खीए चेलामैं खी ङाँर हुइसि बिइ, “चु म्‍हिमैं म्रोंसि ङए सैंर ल्‍हयो खइमुँ। सोंरो ओंनोंन् चुमैं ङने मुँ, तोगो चुमैंने चबै सै या तोइ आरे। ङइ चुमैं फोदेंन् खेंमैंए धिंर कुलदा आङ्हाँ। छलेन् कुलस्‍याँ चुमैं घ्‍याँर्न फो ख्रेंसि प्रलन् आखाँन् तयाब्मुँ।”

मत्ती 9:36

छले प्रमा म्‍हिए हुल म्रोंसि येशूए सैंर ल्‍हयो खइ। तलेबिस्याँ चमैं प्‍ह्रोंछैं आरेबै क्‍युमैं धोंले आशा आयोंसि प्ररिब् म्रोंइ।

मर्कूस 6:33

दिलेया खेंमैं ह्‍यारिब ल्हें म्हिइ सेइ। छतसि खेंमैं तालए क्‍योंजा फेनेब् भन्दा ओंसोंन् नाँ-नाँसउँइँले ल्हें म्‍हिमैं न्हेदै तालए छेउर फेनेइ।

मर्कूस 6:35

ङेसा तबि छेमा चेलामैं येशू ङाँर खसि बिइ, “चु खाबइ आरेबै क्‍ल्‍ह्‍यो ग। धै म्‍हुँइँसै या तबि छेइ।

मर्कूस 8:1

च त्हे लिउँइँ धबै म्‍हिए हुल येशू ङाँर खागु तखइ। दिलेया चमैंने चबै सै तोइ आरेमा येशूजी चेलामैं खी ङाँर हुइसि बिइ,

मर्कूस 8:2

“चु म्हिए हुल म्रोंसि ङ ल्‍हयो खम्, तलेबिस्याँ चुमैं ङने बालु मुँब तिंयाँ सोंरो तइ। चुमैंने चबै सै तोइ आरे।

लूका 9:11

दिलेया म्हिमैंइ खी छले ह्‍याब सेसि म्‍हिए हुल येशू ङाँर खइ। छले खमा खीजी परमेश्‍वरए ग्याल्सर्बै बारेर चमैंलाइ बिमिंइ। धै नब् छब्मैं या सल् लमिंइ।

हिब्रू 2:17

छतसि ताँन् सैर खी ह्रोंसए अलिमैं धोंबन् तल् त्हुइ, धै म्‍हिमैंए पाप त्होमिंसि क्षमा लबै ल्हागिर परमेश्‍वरए सेवा लबै ल्हागिर खी बिश्‍वास मुँब नेरो ल्हयो मुँबै ख्रो पिंबै खेगि क्रथे तइ।

हिब्रू 4:15

ङ्योए ल्हागिर ख्रो पिंबै खेगि क्रथेजी ङ्योए दुःखर ल्होल् खाँम्। तलेबिस्याँ ङो चुसि ङ्योलाइ पापर च्होवाब् धोंले खीलाज्यै या पापर च्होवाबै ल्हागिर तोन्‍दोंरि सैर ङो चुल, दिलेया खैबै ङोज्यै या खीलाइ पापर च्होवाल् आखाँ।