मर्कूस 6:31 - परमेश्‍वरए ताँ तमु क्युइर

³¹ चर ह्‍याब खब म्‍हिमैं ल्‍हें तसि येशू नेरो खीए चेलामैंइ चबै नइ आयोंल। छतसि खीजी चेलामैंने बिइ, “खो, ङ्यो खाबै आरेबै क्‍ल्‍ह्‍योर ह्‍याले धै भों न्‍हले।”

मर्कूस 6:31 ပူးပေါင်းရင်းမြစ်များ

मत्ती 14:13

छले यूहन्‍ना सैवाइ बिबै ताँ थेबै लिउँइँ येशू खी घ्रिन् डुँङ्गार क्रेसि खाबै आरेबै क्‍ल्‍ह्‍योर ह्‍याइ। येशू ह्‍याइ रो बिब् थेसि नाँसउँइँले म्‍हिए हुल प्हलेइ प्रसि खीए लिलि ल्‍हैदिइ।

मर्कूस 1:45

दिलेया च म्‍हि ह्‍यासि येशूजी खी सल् लमिंबै ताँ म्हिमैंने बिप्रइ। छतमा येशू म्हिमैंइ म्रोंन्ले नाँसजरे प्रल् आयों, छतसि खी खाबै आरेबै क्ल्ह्‍योजरे टिइ। दिलेया खन्तोदोंउँइँले म्‍हिमैं येशूलाइ म्‍हैदै चर खइ।

मर्कूस 3:20

च लिउँइँ येशू धिंर ह्‍यामा चर म्हिए हुल खागु तखइ। छतमा येशू नेरो खीए चेलामैंइ चब् चलै आयों।

मर्कूस 3:7

च लिउँइँ येशू ह्रोंसए चेलामैंने तालउँइँ ह्‍यामा चर म्हिए हुल येशूए लिलि खइ। गालील ह्‍युलउँइँले, यहूदीया ह्‍युलउँइँले,

यूहन्‍ना 6:1

चु ताँमैं तबै लिउँइँ येशू गालील अथवा तिबेरियस बिबै मा ङ्युँइ क्योंजा ह्‍याइ।