मर्कूस 6:2 - परमेश्‍वरए ताँ तमु क्युइर

² धै प्रिबै त्हिंइरि येशू च्हों धिंर ह्‍यासि म्हिमैंने परमेश्‍वरए ताँ लोमिंबर होंइ। खीए ताँ थेब्मैं न्होंर्बै ल्हें म्हिइ अचम्‍मा ङ्हाँसि छ बिइ, “चु म्‍हिजी छाबै ताँमैं खनिउँइँले ह्रगे? चु म्‍हिजी योंबै ज्ञान खैब जा? चु म्‍हिउँइँले छाबै अचम्‍माबै केमैं खैले तब् जा?

मर्कूस 6:2 ပူးပေါင်းရင်းမြစ်များ

मत्ती 4:23

येशू गालील ह्‍युल तिगोंन् स्‍युरदै चमैंए च्हों धिंजरेबै म्हिमैंने परमेश्‍वरए ताँमैं लोमिंदै स्‍वर्गर्बै ग्याल्सए बारेर सैं तोंबै ताँमैं बिप्रमल। धै ताँन् खालर्बै नब् छब्मैं नेरो मोंइ स्याबै म्‍हिमैं या सल् लमिंमल।

मत्ती 7:28

येशूजी लोमिंबै चु ताँमैं थेबै लिउँइँ म्‍हिए हुल प्लेटोयाइ।

मर्कूस 1:39

झाइले येशू गालील ह्‍युलर्बै च्हों धिंमैंर सैं तोंबै ताँ बिप्रदै मोंमैं ल्‍हादै प्रइ।

मर्कूस 10:1

झाइले येशू कफर्नहुम ह्‍युल पिसि यर्दन स्‍योंए क्योंजा यहूदीया ह्‍युलर ह्‍याइ। चरै या म्हिए हुल खी ङाँर खागु तखइ। धै सोदाजरे धोंले खीजी धबै चमैंलाइ लोमिंइ।

लूका 2:47

खीए क्होबै शक्‍ति नेरो छ्याँबै ज्वाफमैं पिंब् म्रोंसि खीए ताँ थेब्मैं ताँन् प्लेटोयाइ।

लूका 4:15

खीजी चर्बै च्हों धिंजगोर परमेश्‍वरए ताँ लोमिंबर होंइ। छले लोमिंमा ताँन् म्‍हिमैंइ खीए छ्याँबै बयन लमल।

यूहन्‍ना 6:42

“चु योसेफए च्‍ह येशू आङिं वा? चुए आबा-आमा ङिइ ङो सेम्। तोगो चुइ खैले ङ स्‍वर्गउँइँले तयुब् ग बिसि बिमुँ?” बिसि चमैंइ बिइ।

यूहन्‍ना 7:15

खीजी लोमिंबै ताँ थेसि यहूदी चिबनाँब्मैंइ अचम्‍मा ङ्हाँसि बिइ, “तोइ आखेबै म्हिइ खैले च्हौ ल्हें ताँमैं ह्रल् खाँगे?”