मर्कूस 6:17 - परमेश्‍वरए ताँ तमु क्युइर

¹⁷ तलेबिस्याँ च भन्दा ओंसों हेरोद म्रुँइ ह्रोंसए अलि फिलिपए प्ह्रेंस्यो हेरोदियासने ब्ह्‍या लल। छतसि “ह्रोंसए अलिए प्ह्रेंस्योने ब्ह्‍या लल् आत!” बिसि यूहन्‍नाइ बिबइले हेरोदइ यूहन्‍नालाइ क्हाबर ल्हैदिसि फैसि झेलर च्युवाल।

मर्कूस 6:17 ပူးပေါင်းရင်းမြစ်များ

मत्ती 11:2

बप्‍तिस्‍मा पिंबै यूहन्‍नाइ येशू ख्रीष्‍टजी लबै केमैंए बारेर थेसि ह्रोंसए चेलामैं येशू ङाँर ताँमैं ङ्योएबर कुल्‍मिंइ।

मत्ती 4:12

हेरोद म्रुँइ यूहन्‍ना झेलर च्युवाइमुँ बिबै ताँ थेसि येशू गालील ह्‍युलर्न एइ।

मर्कूस 6:16

दिलेया हेरोदइ चु ताँ थेसि बिइ, “चुम् क्ह्रोंसेंन् यूहन्‍ना ग। चए क्र ङइ थोबर ल्‍हैदिल, चम् सोइ खना।”

लूका 3:1

रोम सहरर्बै तिबेरियस बिबै म्‍हिइ च्युसे ङ्‍हदिं समा ग्याल्स लमा पन्‍तियस पिलातस यहूदीया ह्‍युलर्बै क्रथे मुँल। च त्हेर गालील बिबै ह्‍युलर हेरोद म्रुँ मुँल। इतुरिया नेरो त्राखोनितिस बिबै ह्‍युलर हेरोदए अलि फिलिप म्रुँ मुँल। अबिलेने बिबै ह्‍युलर लुसानियास बिबै म्हि म्रुँ मुँल।

यूहन्‍ना 3:24

च त्‍हे समा यूहन्‍ना झेलर आफेल।