मर्कूस 6:14 - परमेश्‍वरए ताँ तमु क्युइर

¹⁴ येशूजी लबै केए बारेर्बै ताँमैं खन्तोदोंन् थेनेल। छतसि हेरोद म्रुँज्यै या खीए बारेर्बै ताँ थेइ। को-कोइइ “बप्‍तिस्‍मा पिंबै यूहन्‍ना सिबउँइँले सोसि खना! छतैग चइ औदिबै केमैं लल् खाँना बिमल।”

मर्कूस 6:14 ပူးပေါင်းရင်းမြစ်များ

मत्ती 9:31

दिलेया चमैं ह्‍यासि खीजी लबै औदिबै केमैंए बारेर च ह्‍युल तिगोंन् बिप्रइ।

मर्कूस 1:28

छ तबै तोंदोंन् येशूए छ्याँबै बयन गालील ह्‍युल तिगोंन् थेनेइ।

मर्कूस 1:45

दिलेया च म्‍हि ह्‍यासि येशूजी खी सल् लमिंबै ताँ म्हिमैंने बिप्रइ। छतमा येशू म्हिमैंइ म्रोंन्ले नाँसजरे प्रल् आयों, छतसि खी खाबै आरेबै क्ल्ह्‍योजरे टिइ। दिलेया खन्तोदोंउँइँले म्‍हिमैं येशूलाइ म्‍हैदै चर खइ।

मर्कूस 8:28

चेलामैंइ बिइ, “कोइ ‘बप्‍तिस्‍मा पिंबै यूहन्‍ना’ बिम्, कोइ ‘स्‍योंम्‍बै एलिया ग,’ बिम्, कोइ ‘स्‍योंम्‍बै अर्को अगमबक्‍ता घ्रि ग’ बिम्।”

लूका 13:31

च त्‍हेर्न को-कोइ फरिसीमैं येशू ङाँर खसि खीने बिइ, “छुइले छ्युडिह्‍याद् तलेबिस्याँ हेरोद म्रुँइ क्‍हि सैल् म्‍हैइमुँ।”

लूका 3:1

रोम सहरर्बै तिबेरियस बिबै म्‍हिइ च्युसे ङ्‍हदिं समा ग्याल्स लमा पन्‍तियस पिलातस यहूदीया ह्‍युलर्बै क्रथे मुँल। च त्हेर गालील बिबै ह्‍युलर हेरोद म्रुँ मुँल। इतुरिया नेरो त्राखोनितिस बिबै ह्‍युलर हेरोदए अलि फिलिप म्रुँ मुँल। अबिलेने बिबै ह्‍युलर लुसानियास बिबै म्हि म्रुँ मुँल।

लूका 7:17

येशूजी छले कोलो सोल् लमिंबै ताँ यहूदीया नेरो च खागुबै ह्‍युल तिगोंन् थेनेइ।

लूका 9:19

चेलामैंइ बिइ, “कोइ ‘क्युर प्ल्हुँसि बप्‍तिस्मा पिंबै यूहन्‍ना’ बिमुँ, कोइ ‘स्‍योंम्‍बै एलिया’ बिमुँ, कोइ ‘अगमबक्‍तामैं न्होंर्बै घ्रि धबै सोगो तसि खना,’ बिमुँ।”

१ थेसलोनिकी 1:8

तलेबिस्याँ क्‍हेमैंउँइँले प्रभु येशूए बारेर्बै ताँ माकेडोनिया नेरो अखैया तिगोंन् फेइ। च मत्‍त्रे आङिं, क्हेमैंइ परमेश्‍वरए फिर बिश्‍वास लसि म्हाँदिबै ताँ खन्तोंदोंन् थेनेइमुँ। छतसि ङिइ म्‍हिमैंने त्‍होसि क्‍हेमैंए बारेर तोइ बिरिल् आत्‍हु।

हिब्रू 2:4

छलेन परमेश्‍वरज्‍यै या थे-थेबै चिनुमैंउँइँले प्लेटोयान् तबै औदिबै केमैं लइ, धै खीए सैंर मैंब् धोंले खीजी म्‍हिमैंलाइ पबित्र प्ल्हउँइँले बरदानमैं पिंसि चु ताँए ग्वाइ पिंइ।