मर्कूस 5:43 - परमेश्‍वरए ताँ तमु क्युइर

⁴³ येशूजी चमैंने “चु ताँ खैलसेया खाब्ने या आबिद्,” बिइ। झाइले “चु कोलो चबै सैमैं पिंन्,” बिसि चर्बै म्हिमैंने ल्हैदिइ।

मर्कूस 5:43 ပူးပေါင်းရင်းမြစ်များ

मत्ती 17:9

झाइले खेंमैं कोंउँइँले क्‍युरु युरिमा येशूजी चमैंने बिइ, “म्हिए च्ह सिबउँइँले धबै सोगों आतन् समा क्हेमैंइ म्रोंबै चु ताँ खाबलाज्यै या आबिद्।”

मत्ती 8:4

झाइले येशूजी चने, “चु ताँ खाबलाज्यै या आबिद्। ह्‍यासि ख्रो पिंबै खेगिने क्हिए ज्यु उँइँन्, ‘क्हि सयना’ बिब म्हिमैंइ सेरिगे बिसि मोशाइ बिब् धोंले भेटि पिंन्।”

मत्ती 9:30

च्‍हौ बिमा चमैंए मि म्रोंयाइ। धै येशूजी चमैंने “चु ताँ खाबज्यै आसेरिगे,” बिइ।

मर्कूस 1:43

झाइले येशूजी चने “ङइ क्हि सल् लबै ताँ खाबलाज्यै या आबिद् बिसि कुलइ।

मर्कूस 3:12

दिलेया येशूजी च मोंमैंने हौदिसि “ङ खाब् जा बिसि क्हेमैंइ खाबलाज्यै आबिद्,” बिइ।

मर्कूस 5:42

खीजी छ बिबै तोदोंन् च कोलो रेसि प्रबर होंइ। च कोलो च्युसे ङ्हिदिंर्बै मुँल। छ तब् म्रोंसि चर मुँबै म्‍हिमैं प्लेटोयाइ।

मर्कूस 7:36

झाइले येशूजी च म्‍हिमैंने, “चु ताँ खाब्ने या आबिद्!” बिइ। खीजी खाब्ने या आबिद् बिलेया, चमैं झन् सैं तोंदै ल्‍हें बिप्रमल।

मर्कूस 9:9

झाइले खेंमैं कोंउँइँले क्‍युरु युरिमा येशूजी चमैंने “म्हिए च्ह सिसि धबै सोगों आतन् समा क्हेमैंइ कोंर म्रोंबै ताँमैं खाब्ने या आबिद् ओ,” बिइ।

लूका 24:30

चमैंने बालु चब् चबर क्हुँमा खीजी क्‍हें किंसि परमेश्‍वरलाइ धन्यबाद पिंइ, धै क्‍हें लुँसि चमैंलाइ पिंइ।

लूका 5:14

छतमा येशूजी चने “थेद्, चु ताँ खाबलाज्यै खैलसे आबिद्। बरु क्हिए कोर सयाब सेरिगे बिसि सरासर ख्रो पिंबै खेगि ङाँर ह्‍यासि क्‍हिए ज्यु उँइँन् धै स्‍योंम्‍बै मोशाइ प्ह्रिबै ठिमर बिब् धोंले ‘क्हि शुद्ध तयान’ बिसि म्हिमैंलाइ उँइँबै ल्हागिर ख्रो पिंन्,” बिसि ल्हैदिइ।

लूका 8:56

छाब् म्रोंसि कोलोए आबा-आमा प्लेटोयाइ। दिलेया “चुर तबै ताँ खाबलाज्यै या आबिद् ओ बिसि येशूजी चमैंने,” बिइ।

यूहन्‍ना 5:41

“म्हिमैंइ ‘ङ थेब लरिगे’ बिसि ङ आमैं।

चेला चिब्मैंए केमैं 10:41

ताँन् म्हिमैं ङाँर खी आम्रोंखा, दिलेया खी ङि ङाँर मत्‍त्रे, तलिबिस्याँ खी सिसि धबै सोगों तबै लिउँइँ ङिइ खीने बालुन् चब-थुँब लइ। चु ताँए ग्वाइ पिंबर परमेश्‍वरजी ओंसों ओंनोंन् ङिलाइ त्हाँल।