मर्कूस 5:42 - परमेश्‍वरए ताँ तमु क्युइर

⁴² खीजी छ बिबै तोदोंन् च कोलो रेसि प्रबर होंइ। च कोलो च्युसे ङ्हिदिंर्बै मुँल। छ तब् म्रोंसि चर मुँबै म्‍हिमैं प्लेटोयाइ।

मर्कूस 5:42 ပူးပေါင်းရင်းမြစ်များ

मर्कूस 1:27

छ तब् म्रोंसि चर मुँबै म्‍हिमैं ताँन् प्लेटोयासि “चु खै तबै म्हि मुँगे? खोंयोंइ आथेबै ताँमैं या लोमिंमना! धै हग मुँल्‍ले मोंमैंलाइ त्होंह्‍याद् बिमा मोंमैंइ खीजी बिब ङिंमना बिबर होंइ।”

मर्कूस 4:41

दिलेया चमैं झन् बेल्‍ले ङ्हिंसि खें-खेंमैंए न्होंर “चु खैबै म्‍हि जा? नाँ-खैं नेरो तालज्यै या खीजी बिब् ङिंब् मुँन,” बिसि ताँ लबर होंइ।

मर्कूस 5:41

झाइले कोलोए यो क्‍हासि खीजी बिइ, “तालिता कूमि!” छ बिब, “ओ नानि, ङइ क्‍हिने बिमुँ, रेद्!” बिब् ग।

मर्कूस 5:43

येशूजी चमैंने “चु ताँ खैलसेया खाब्ने या आबिद्,” बिइ। झाइले “चु कोलो चबै सैमैं पिंन्,” बिसि चर्बै म्हिमैंने ल्हैदिइ।

मर्कूस 6:51

च्हौ बिसि येशू चमैंए डुँङ्गार क्रेइ। खी डुँङ्गार क्रेबै तोदोंन् खैं टियाइ। छ तब् म्रोंसि चमैं प्लेटोयाइ,

मर्कूस 7:37

चु ताँ थेब्मैं ताँन् प्लेटोयासि “येशूजी तो के बिलेया छ्याँब लमना। न्‍ह आथेबै म्‍हि थेल् लमना, आपोंबै म्‍हि पोंल् लमना बिबर होंइ।”