मर्कूस 5:34 - परमेश्‍वरए ताँ तमु क्युइर

³⁴ झाइले येशूजी च च्हमिरिने बिइ, “ओ नानि, क्‍हिए बिश्‍वासइ क्‍हि सयाइमुँ। आङ्हिंनले ह्‍याद्, तारे क्हिए नब सयाइ।”

मर्कूस 5:34 ပူးပေါင်းရင်းမြစ်များ

मत्ती 9:2

चर म्हिमैंइ स्याले तसि नबै म्हि घ्रि खाटनेन् बालु नोसि खी ङाँर पखइ। च म्‍हिमैंइ खीए फिर च्हौ थेबै बिश्‍वास लब् म्रोंसि येशूजी च स्याले म्‍हिने बिइ, “ओ बाबु, सैं थेब् लद्। क्‍हिए पाप क्षमा तइ।”

मत्ती 9:22

येशूजी लिउँइँ तोसि ङ्‍ह्‍योमा च च्हमिरि म्रोंसि बिइ, “ओ च्हमि, आङ्हिंन्, क्हिए बिश्‍वासइ लमा क्हि सयाइमुँ।” छ बिबै तोंदोंन् च च्हमिरि सयाइ।

मर्कूस 10:52

झाइले येशूजी चने बिइ, “ह्‍याद्! क्‍हिए बिश्‍वासइ क्हि सयाइमुँ।” छ बिबै तोदोंन् चए मि म्रोंल् खाँब् तसि येशूए लिलि प्रयाइ।

मर्कूस 3:10

तलेबिस्याँ खीजी ल्‍हें नबै म्‍हिमैं सल् लमिंल, छतसि नब् छब्मैंइ येशूलाइ छुइबै ल्हागिर क्हि खगा ङ खगा लरिल।

मर्कूस 5:29

छले येशूए क्वें छुइबै तोंदोंन् च च्हमिरिए को त्‍हब टियाइ। छतमा ह्रोंस सयाब चइ था सेइ।

मर्कूस 5:33

च च्हमिरि सब था सेसि ङ्हिंसि त्‍हारदै येशूए ओंसों च्‍हि तुँसि ह्रोंसने तबै ताँन् ताँमैं येशूने बिइ।

लूका 17:19

च लिउँइँ येशूजी च सामरियाथेंने बिइ, “रेदु, धै ह्रोंसए घ्याँ क्हाद्। क्‍हिए बिश्‍वासइ क्‍हि सइमुँ।”

लूका 18:42

येशूजी चने बिइ, “क्‍हिइ ङए फिर बिश्‍वास लबइले क्हिए मि म्रोंल् खाँब् तयाइमुँ।”

लूका 7:50

दिलेया येशूजी च च्हमिरिने बिइ, “क्‍हिए बिश्‍वासइ लमा क्‍हि जोगेएइमुँ, छिं ङ्हाँन्ले ह्‍याद्।”

लूका 8:48

येशूजी च च्हमिरिने बिइ, “ओ च्हमिच्‍यों, क्‍हिए बिश्‍वासइ लमा क्हि सयाइमुँ, छतसि छिं ङ्हाँन्ले ह्‍याद्।”

चेला चिब्मैंए केमैं 14:9

पावलइ पोंरिमा चइ थेरिल। च ङाँइ ङ्‍ह्‍योमा “ङ सल् खाँम्” बिबै बिश्‍वास चने मुँन बिसि पावलइ सेइ।

चेला चिब्मैंए केमैं 15:33

चमैं दे त्हिंइ समा चर टिबै लिउँइँ चर्बै अलि-अङाँमैंइ चमैंलाइ कुल्मिंबै चेला चिब्मैं ङाँर्न कुलमा “छेनाले ह्‍याद् ओ!” बिसि बिदा लइ।

चेला चिब्मैंए केमैं 16:36

च्हमरे झेलर्बै क्रथेइ पावलने चु ताँ बिइ, “निसाफ लब्मैंइ क्हेमैं पिवाद् बिसि बिइमुँ। छतसि तारे क्हेमैं त्होंसि सैं तोंदै ह्‍याद्।”

याकूब 2:16

क्‍हेमैंए न्होंरि खाबज्यै चने “छेनाले ह्‍याद्, टोंन्ले टिद्, म्रेंन्ले चद्” मत्‍त्रे बिसि चए चैदिबै सै तोइ आपिंइ बिस्‍याँ, चइ तो योंइ? तोइ आयों।