मर्कूस 4:6 - परमेश्‍वरए ताँ तमु क्युइर

⁶ दिलेया जरा छेन्ले च्‍योंल् आयोंबइले त्‍हिंयाँ प्रेबै तोंदोंन् च प्लु ङ्योंलोंयासि कारयाइ।

मर्कूस 4:6 ပူးပေါင်းရင်းမြစ်များ

योना 4:8

झाइले त्हिंयाँ खमा परमेश्‍वरजी पूर्वउँइँले बेल्‍ले छबै खैं कुल्मिंइ। योनाए क्रर त्हिंयाँइ बेल्‍ले ख्रोंमा योना सैं आचि आचि तबर होंइ। धै “ङ सोब् भन्दा सिब छ्याँब तमल!” बिसि सैं च्योंब् लइ।

मत्ती 13:6

दिलेया जरा छेन्‍ले च्‍योंल् आयोंबइले त्‍हिंयाँ प्रेबै तोदोंन् च प्लु ङ्योंलोंयासि कारयाइ।

मर्कूस 4:5

कोइ प्‍लुमैं गेगरर फेइ। चर स ल्‍हें आरेबइले प्लु युनन् म्‍लोइ।

मर्कूस 4:7

कोइ प्‍लु पुजु मुँबै क्‍ल्‍ह्‍योर फेइ। पुजुए छ्यारइ च प्लु सैवाइ। छतसि रा-रोमैं रोल् आखाँ।

एफिसी 3:17

छलसि क्‍हेमैंइ प्रभु येशू ख्रीष्‍टए फिर बिश्‍वास लमा क्‍हेमैंए सैंर खी बास लरिगे। झाइले सिं धुँए जर च्योंब् धोंले क्हेमैंए म्हाँया बडिदै ह्‍यारिगे, धै जगए फिर धिं बनेब् धोंले क्हेमैंए म्हाँया भोंब् तरिगे।

कलस्सी 2:7

खैले सिं धुँए जरा सरि न्होंन्हों च्‍योंमु, छलेन क्‍हेमैं छ्ह थोमा ख्रीष्‍टलाइ सैं पिंसि भोंब् तद्। इपाफ्रासइ क्‍हेमैंलाइ लोमिंब् धोंलेन् ख्रीष्‍टए फिर अझै बिश्‍वास भोंब् लद्। धै खोंयोंन् बिलै धन्‍यबाद पिंबै सैं प्‍ह्‍याद्।

२ थेसलोनिकी 2:10

धै नास तयाब्मैंने औदिबै स्योलिबै ताँमैं पोंब्मुँ। चमैं नास तयाब्मुँ तलेबिस्याँ चमैंइ क्ह्रोंसेंन्बै ताँ आक्वें धै छ्याँबै घ्याँरै या आप्र।

याकूब 1:11

तलेबिस्याँ त्‍हिंयाँ सार्ले प्रेमा प्हो ङ्योंलोंवाम्, धै ट खारयासि केर आफेब् तयाम्। च धोंलेन् प्लबै म्‍हि या छ लस्यो छु लस्यो ङ्हाँन-ङ्हाँन् सियाम्।

यहूदाइ प्‍ह्रिबै प्ह्रिछ्या 1:12

संगति लल् खाँसि चब् थुँब् लमा चुमैं पि आरेल्‍ले चब्मैं ग। तलेबिस्याँ चमैंइ खाबलाज्यै या वास्ता आल, अरूइ चल् योंरिगे उ आयोंरिगे चमैंलाइ न्हुँ आरे। चमैं थेबै खैंइ नोइ बोवाबै नाँ आरेबै न्‍हाँम्‍स्यो धों तब्मैं ग। झाइले रो आरोबै सर्खर्बै सिं धुँ धों तब्मैं ग, ङ्हिब्‍ले सियाबै धुँमैं धोंले चमैं जराउँइँलेन् स्‍युवाइमुँ।

दर्शन 7:16

चमैं तारे खोंयोंइ या फो ख्रेंरिब् आरे, खोंयोंइ या क्‍यु पिरिब् आरे। छलेन त्‍हियाँ नेरो अरू तो सैज्‍यै या चमैंलाइ ख्रोंरिब् आरे।