मर्कूस 4:39 - परमेश्‍वरए ताँ तमु क्युइर

³⁹ येशू रेसि नाँ-खैं हौदिसि तालए भेल्‍गने “च्याँ तयाद्!” बिबै तोदोंन् नाँ-खैं टियाइ।

मर्कूस 4:39 ပူးပေါင်းရင်းမြစ်များ

भजनमैं 107:29

खीजी थेबै नाँ-खैं च्याँ लमिंइ; धै मा ङ्युँइर्बै भेलमैं या टियाइ।

भजनमैं 148:8

धै काम्‍लि-तिम्‍लि, तिस्यु, क्लिं नेरो न्हाँम्स्यो, धै खीजी बिबै ताँ ङिंबै नाँ-खैंज्यै या खीलाइन थेब् लद्!

भजनमैं 29:10

याहवेह नाँ बाढिए फिर टिम्, याहवेह खोंयोंन् बिलै म्रुँ धोंले राजगद्दिर टिम्।

भजनमैं 65:7

थेबै कैले ङ्‍हेबै मा ङ्युँइ नेरो चर्बै भेल्गमैं ङ्‍हेब, नेरो ह्रें-ह्रेंमैंइ लबै खैला-बैला क्हिजीन् च्याँ लमिंम्।

भजनमैं 89:9

प्ल्हों खबै मा ङ्युँइलाइ क्हिजीन् तार झोंम्; चए भेल्गलाइ क्हिजीन् च्याँ लमिंम्।

प्रस्थान 14:16

ह्रोंसए योइ प्हरे क्वेसि मा ङ्युँइउँइँ (समुद्रउँइँ) स्योंन्। धै मा ङ्युँइ ङ्हिंबाँतमा इस्राएलीमैं चए म्हाँजोउँइँले ओबनो क्ल्ह्‍योर प्रसि ह्‍याल् खाँब्मुँ।

प्रस्थान 14:22

धै चमैंए क्योलो नेरो त्हेब्रे हार चमैंए ल्हागिर क्यु बान्‍नो तइ, छतमा इस्राएलीमैं मा ङ्युँइए म्हाँजोउँइँले कारा क्ल्ह्‍योर प्रसि ह्‍याइ।

हितोपदेश 8:29

क्युमैं खीजी बिब् भन्दा बैरु आह्‍यारिगे बिसि मा ङ्युँइर साँद थेंमा, खीजी पृथ्बीए जग झोंमा,

मत्ती 8:26

येशूजी चमैंने बिइ, “ओ बिश्‍वास आरेबै म्हिमैं, क्हेमैं तले छले ङ्हिंल?” च्‍हौ बिसि खी रेसि खैं नेरो मा ङ्युँइर्बै भेल्‍गालाइ हौदिमा नाँ खैं च्याँ त‍याइ।

मर्कूस 4:38

येशू डुँङ्गाए लिउँइँ हार क्रेगुँ झोंसि न्‍हरु च्‍हुइरिल। छतमा चेलामैंइ येशूने “ओ चिब, ङ्यो सिबर होंइ क्‍हिजी तोइ न्हुँ आल वा?” बिदै छोरवाइ।

मर्कूस 9:25

च्हमन् म्हिए हुल खी ङाँइ न्हेखरिब् म्रोंसि येशूजी च मोंने “ओ न्‍ह आथेबै लडा मों, ङ क्‍हिने बिमुँ, च कोलोउँइँले त्‍होंखो, तारे धबै खोंयोंइ च कोलोलाइ स्याल् आयों बिसि,” हौदिइ।

लूका 4:35

छबिमा येशूजी हौदिदै च मोंने बिइ, “आपोंन्, च म्हिउँइँले त्‍होंइ ह्‍याद्।” बिमा मोंइ चलाइ म्हिमैंए म्हाँजोर प्योवासि तोइ नल् आलल्‍ले च म्हिउँइँले त्होंइ ह्‍याइ।

लूका 4:39

छबिमा खी च ङाँर रासि जरलाइ हौदि‌इ, छले हौदिमा जरइ चलाइ पिवाइ। धै सबै तोदोंन् रेसि खेंमैंए सेवा लइ।

लूका 8:24

झाइले चेलामैं येशू ङाँर खसि “ओ गुरु, ङ्योम् क्युर प्ल्हुँसि सिबर होंइ,” बिदै खीलाइ छोरवाइ। छबिमा येशू रेसि नाँ खैं नेरो क्‍युए भेल्‍गा हौदिइ। छले हौदिमा नाँ खैं नेरो क्युए भेल्गा च्याँ तयाइ।