मर्कूस 4:26 - परमेश्‍वरए ताँ तमु क्युइर

²⁶ झाइले येशूजी बिइ, “परमेश्‍वरए ग्याल्स छाब् ग: म्‍हि घ्रिइ म्रोंर प्‍लु प्‍लुइ।

मर्कूस 4:26 ပူးပေါင်းရင်းမြစ်များ

हितोपदेश 11:18

दुष्‍ट म्हिइ छलु म्हिलुए के लम्; दिलेया छलु म्हिलु आलल्‍ले ठिक के लबै म्हिइ खैलसे या इनाम योंम्।

मत्ती 13:11

छबिमा येशूजी चमैंने बिइ, “परमेश्‍वरजी स्‍वर्गर्बै ग्याल्सए न्होंर्बै ताँमैं क्‍हेमैंलाइ सेल् पिंइमुँ। दिलेया अरू म्हिमैंलाइ बिस्‍याँ खीजी चुए बारेर सेल् आपिंइमुँ।

मत्ती 13:24

येशूजी चमैंने धबै अहान् घ्रि बिइ, “स्‍वर्गर्बै ग्याल्स छ्याँबै प्‍लु प्‍लुबै म्‍हि धोंन् तब् ग। चइ छ्याँबै गहुँ प्लु म्रोंर प्लुइ।

मत्ती 13:3

खीजी चमैंलाइ ल्हें ताँ अहानउँइँले लोमिंइ। छले लोमिंमा येशूजी बिइ, “म्‍हि घ्रि प्‍लु प्‍लुबर ह्‍याइ।

मत्ती 13:31

येशूजी चमैंने अर्को अहान या बिइ, “स्‍वर्गर्बै ग्याल्स पासगिए प्‍लु धोंन् तब् ग। म्‍हि घ्रिइ च प्‍लु ह्रोंसए म्रोंर प्‍लुइ।

मत्ती 13:33

खीजी चमैंने धबै अर्को अहान् बिइ, “स्‍वर्गर्बै ग्याल्स प्लेढा धोंन् तब् ग। च्हमिरि घ्रिइ प्रो सोंब्‍योंर च्युगुदे प्लेढा झोंसि क्हें झोंमा च ताँन् क्हें फुल्दिम्।”

मत्ती 3:2

“पाप लब् पिसि परमेश्‍वरउँइँ सैं एद्, तलेबिस्याँ स्‍वर्गर्बै ग्याल्स चेंदोन् खइमुँ।”

मत्ती 4:17

येशू कफर्नहुम नाँसर टिबै त्हे ओंनोंन् म्हिमैंने “पाप केमैं लब् पिसि परमेश्‍वरउँइँ सैं एद्, तलेबिस्याँ स्‍वर्गर्बै ग्याल्स (राज्‍य) चेंदोन् खइमुँ बिबर होंइ।”

मर्कूस 4:25

खाब्ने मुँ चलाइ झन् ल्‍हें पिंब्‍मुँ, खाब्ने आरे चने मुँबै सैमैं या प्‍हेंवाब्‍मुँ।”

मर्कूस 4:27

धै च रोलैया, रेलैया त्हिंयाँ म्‍हुँइँसा प्लु म्‍लोरिमुँ धै थेब तम्। दिलेया प्‍लु खैले फारमुँ म्‍हिइ आसे।

लूका 13:18

येशूजी बिइ, “परमेश्‍वरए ग्याल्स तो धों तब मुँ? ङइ तो सैने च च्‍हैंले?

लूका 8:11

येशूजी चमैंने बिइ, “अहानए अर्थ चु ग: प्‍लु बिब परमेश्‍वरए ताँ ग।

लूका 8:5

“तिगें म्‍हि घ्रि प्‍लु प्‍लुबर ह्‍याल। प्‍लु प्‍लुमा कोइ प्‍लु घ्‍याँर तेइ, कोइ प्‍लु गेगरर तेइ, कोइ प्‍लु पुजु मुँबै क्‍ल्‍ह्‍योर तेइ, कोइ प्‍लु छ्याँबै स मुँबै क्ल्ह्‍योर तेइ। घ्‍याँर तेयाबै प्‍लुमैं म्हिमैंइ प्‍लेवाइ, नमेमैं खसि चवाइ।

यूहन्‍ना 12:24

क्ह्रोंसेंन ङ क्हेमैंने बिमुँ, गहुँए फुँ सर तेसि आक्राँइ बिस्याँ च फुँ घ्रिन् तरिम्। दिलेया च फुँ सर तेसि क्राँइ बिस्याँ चइ ल्हें रोमैं रोम्।

याकूब 3:18

छले क्ह्रिल् लबै म्‍हिमैंइ क्ह्रिबै ताँ पोंसि ठिक केमैंए रो योंम्।