मर्कूस 4:24 - परमेश्‍वरए ताँ तमु क्युइर

²⁴ येशूजी चमैंने बिइ, “क्‍हेमैंइ तो थेमुँ, च ताँ छेन्‍ले थेद्: तलेबिस्याँ छेनाले थेस्याँ क्‍हेमैंइ ल्हें क्होल् खाँब्मुँ धै झन् ल्हें क्होल् योंब्मुँ। दिलेया छेनाले आथेस्याँ ल्हें क्होल् आखाँ।

मर्कूस 4:24 ပူးပေါင်းရင်းမြစ်များ

हितोपदेश 19:27

ओ ङए च्ह, अर्थिए ताँमैं थेब् पिवाइ बिस्याँ ज्ञानए ताँमैं क्हिइ योंरिब् आरे।

मत्ती 7:2

तलेबिस्याँ खैले क्हेमैंइ आगुए फिर छ्याब् ल्‍हैदिमुँ। छलेन परमेश्‍वरजी क्‍हेमैंए फिर छ्याब् ल्‍हैदिब्मुँ। क्‍हेमैंइ खैले क्होंएँमुँ, छलेन क्‍हेमैंलाज्यै या क्‍होंएँब्‍मुँ।

मर्कूस 9:7

च तोदोंन् न्‍हाँम्‍स्यो खसि खेंमैं हुवाइ, धै न्हाँम्स्यो न्होंउँइँले “चु ङइ खोबै च्‍ह ग, क्‍हेमैंइ चुए ताँ थेद् बिबै कै थेइ।”

लूका 8:18

“छतसि न्ह क्रों मि क्रों तद्, क्‍हेमैंइ थेबै ताँ छेन्‍ले सैंर थेंन्। तलेबिस्याँ ङइ लोमिंबै ताँ छेनाले थेब्मैंइ झन् क्होल् योंब्मुँ, दिलेया ङए ताँ आथेब्मैंइ क्होइ बिसि ह्रब् प्हैंलेया चमैं ङाँइँले प्हेंवाब्मुँ।”

यूहन्‍ना 10:16

ङला अरू क्युमैं या मुँ, चमैं चु प्ह्रोंर्बै आङिं। दिलेया ङइ चमैं या पखल् त्हुब्मुँ। चमैंइ ङए कै थेब्मुँ, धै ताँन् क्युमैं बगाल घ्रिन् तब्मुँ, छतसि प्ह्रोंछैं या घ्रिन् तब्मुँ।

यूहन्‍ना 10:27

ङए क्युमैंइ ङए कै थेम्, ङइ चमैंलाइ ङो सेम्। छतसि चमैं ङए लिलि खम्।

यूहन्‍ना 5:25

क्ह्रोंसेंन ङ क्हेमैंने बिमुँ, च त्हे खसिन् मुँ, च त्हे तोगोन् ग। सियाब्‍मैंइ परमेश्‍वरए च्‍हए कै थेब्मुँ, धै च्हए कै थेब्मैं सोल् योंब्मुँ।

चेला चिब्मैंए केमैं 17:11

चर्बै यहूदीमैं थेसलोनिकाथेंमैं भन्दा स्वाब मुँल: चमैंइ परमेश्‍वरए ताँ बेल्‍ले छ्याँब ङ्हाँसि सैंर किंइ, धै चु ताँमैं पावलइ बिबै ताँने क्ह्रिम् उ आक्ह्रि बिसि त्हिंइ ह्रोंसे परमेश्‍वरए छ्वेर्बै ताँमैं खेसि क्होल् म्हैमल।

२ कोरिन्थी 9:6

खाबइ च्‍युगुदे प्‍लु प्‍लुमुँ चइ च्‍युगुदेन् रा-रोमैं खुब्‍मुँ, खाबइ ल्हें प्‍लु प्‍लुमुँ चइ ल्‍हेन् खुब्‍मुँ।

हिब्रू 2:1

छतसि ङ्योइ तो ताँ थेइमुँ च ताँ झन् छेनाले थेल् त्हुम्। छेनाले आथेइ बिस्याँ ङ्योइ घ्‍याँ फ्लेयाम्।

१ पत्रुस 2:2

बरु भर्खर फिबै कोलोमैंइ ङ्‍हे म्हैब् धोंले सैं भोंब् लमिंबै परमेश्‍वरए ताँ म्हैद्। छ लस्याँ परमेश्‍वरए फिर लबै क्हेमैंए बिश्‍वास बडिदै ह्‍याल् खाँब्मुँ।

१ यूहन्‍ना 4:1

ओ ङइ खोबै थुमैं, “ङने परमेश्‍वरए प्ल्ह मुँ, ङ अगमबक्‍ता ग,” बिब्‍मैंए ताँ आक्‍वेंन्। चमैंइ पोंबै ताँ पबित्र प्ल्ह परमेश्‍वरउँइँले युबै ताँ ङिंब् उ आङिं बिसि छेनाले च्हैंब् मैंब् लद्। तलेबिस्याँ स्योलिबै ताँ पोंबै ल्हें अगमबक्‍तामैं खन्तोदोंन् फेनेइमुँ।