मर्कूस 4:15 - परमेश्‍वरए ताँ तमु क्युइर

¹⁵ कोइ म्‍हिमैं घ्याँर फेबै प्लु धोंबन् मुँ। चमैंइ परमेश्‍वरए ताँ थेबै तोदोंन् दुष्‍टइ चमैंइ थेबै ताँ प्‍हेंबोम्। छतसि क्‍वेंल् आपिं।

मर्कूस 4:15 ပူးပေါင်းရင်းမြစ်များ

उत्पत्ति 19:14

च म्हिमैंए ताँ थेसि लोतइ ह्रोंसए च्हमिमैं ब्ह्‍या लब् बिसि ह्रिथेंबै म्होमैं ङाँर ह्‍यासि बिइ, “रेद्, चु क्ल्ह्‍योउँइँले ह्‍याले। तलेबिस्याँ याहवेहजी चु क्ल्ह्‍यो नास लवाबर होंइमुँ।” दिलेया म्होमैंइ लोतइ स्योर तेइ ङ्हाँसि आक्वें।

मत्ती 13:19

कोइ म्‍हिमैंइ स्‍वर्गर्बै ग्याल्सए बारेर थेलेया क्‍होल् आखाँ। छतसि चमैं घ्‍याँर तेबै प्‍लु धोंन् तब् ग। चमैंए सैंउँइँले दुष्‍टइ च प्‍लुमैं प्‍हेंवाम्।

मत्ती 22:5

दिलेया च न्हिम्‍तो लबै म्हिमैं थेबै न्हइ आलल्‍ले घ्रि ह्रोंसए म्रोंउँइँ ह्‍याइ, अर्को छों लबर ह्‍याइ।

मत्ती 4:10

छबिमा येशूजी चने बिइ, “दुष्‍ट, क्हि ङ ङाँइँले ह्रेंगो तयाद्! तलेबिस्याँ ‘क्‍हिइ याहवेह ह्रोंसए परमेश्‍वरलाइ फ्‍योदु, धै खीए सेवा मत्‍त्रे लद्,’ बिसि परमेश्‍वरए छ्वेर प्‍ह्रिइमुँ।”

मर्कूस 4:14

ल्हु, थेद्, चए अर्थ छले ग: प्‍लु प्‍लुबै म्‍हि परमेश्‍वरए बचन बिमिंबै म्‍हि धों तब् ग।

मर्कूस 4:16

कोइ म्‍हिमैं गेगरर तेबै प्‍लु धोंन् तम्। चमैंइ परमेश्‍वरए ताँ थेसि सैं तोंन्लेन् क्‍वेंम्,

मर्कूस 4:4

झाइले प्‍लु प्‍लुमा कोइ घ्‍याँजरे फेइ, धै च प्‍लुमैं नेमेमैं खसि चवाइ।

लूका 8:12

घ्‍याँर तेबै प्‍लु चुन् ग: परमेश्‍वरए ताँ थेब्मैंइ आक्वेंरिगे धै चमैं जोगेल् आयोंरिगे बिसि दुष्‍ट बिबै सै खसि चमैंइ थेबै ताँ ताँन् युनन् म्‍लेल् लवाम् धै क्वेंल् आपिं।

चेला चिब्मैंए केमैं 17:32

म्हि सिसि धबै सोगों तबै ताँ थेसि चमैं न्होंर्बै को-कोइ बिल्‍लि लइ। दिलेया अरूमैंइ बिइ, “चु ताँए बारेर क्हिए ताँ धबै ङि थेब्मुँ।”

चेला चिब्मैंए केमैं 5:3

दिलेया पत्रुसइ चने बिइ, “ओ हननिया, क्ल्ह्‍यो चुँसि योंबै मुइ च्युगुदे ह्रोंसने थेंसि पबित्र प्ल्हने स्योर तेब दुष्‍टइ क्हिए सैंर खैले झोंमिंइ?

२ कोरिन्थी 2:11

ङ्योए फिर दुष्‍टइ तोइ लल् आखाँरिगे बिसि च पाप लबै म्हिलाइ क्षमा पिंल् त्‍हुम्, तलेबिस्याँ दुष्‍टइ खैले पापर च्होवाम् बिब ङ्योइ सेइमुँ।

२ थेसलोनिकी 2:9

झाइले च दुष्‍ट शत्‍त्रुइ स्योलिबै ताँमैं पोंसि शैतान बिबै दुष्‍टए शक्‍तिउँइँले चइ म्हिमैंए उँइँर औदिबै प्लेटोयान् तबै केमैं नेरो स्योलिबै चिनुमैं लब्‍मुँ।

हिब्रू 12:16

खाबज्यै या आछ्याँबै केमैं आलरिगे धै स्‍योंम्‍बै एसाव धोंबै परमेश्‍वर आम्हैब आतरिगे। चइ तिछोए ल्हागिर ह्रोंसइ योंल् त्हुबै च्ह थेबाए हग त्हेवाइ।

हिब्रू 2:1

छतसि ङ्योइ तो ताँ थेइमुँ च ताँ झन् छेनाले थेल् त्हुम्। छेनाले आथेइ बिस्याँ ङ्योइ घ्‍याँ फ्लेयाम्।

१ पत्रुस 5:8

बरु न्ह क्रों मि क्रोंले टिद्, तलेबिस्याँ क्‍हेमैंए शत्तुर दियाबलस बिबै दुष्‍ट खाबलाइ सैसि चब् ङ्‍हे बिसि सिंह धोंले बेल्‍ले थेबै कै तेदै स्युर प्रम्।

दर्शन 12:9

मिखाएलइ च थेबै अजिङ्गरलाइ स्‍वर्गउँइँले भ्‍योंवाइ। च अजिङ्गर स्‍योंम्‍बै प्‍हुरि ग, चलाइ स्‍युर्गु नेरो दुष्‍ट बिम्। चइ ताँन् ह्‍युलर्बै म्‍हिमैंने स्‍योर तेसि लुइमुँ। च नेरो चए दूतमैंलाइ परमेश्‍वरए दूतमैंइ पृथ्‍बीर भ्‍योंवाइ।

दर्शन 20:10

झाइले च ह्रेंमैंलाइ लुबै स्योर्गुलाइ बारुदए थाँ खबै लुँरिबै मिए होंल्दोंर भ्‍योंवाइ। च खेदो नेरो स्योर तेबै अगमबक्‍तालाज्यै या ओंसोंन् चर भ्‍योंवाल। चर चमैंइ त्‍हिंयाँ म्‍हुँइँस खोंयोंन् बिलै थेबै दुःख योंल् त्‍हुब्‍मुँ।

दर्शन 20:7

च हजार घ्रि बर्ष तल् खाँबै लिउँइँ परमेश्‍वरजी च दुष्‍टलाइ च्युथेंबै क्‍ल्‍ह्‍योउँइँले पिवाब्मुँ।